اخو زوجي بيضحك على زوجي وهو سبب زعلنا

بختصار وهل انا غلطانه ولا لا وايش اسوي
صارلنا يومين متزاعلين انا وزوجي يجي من الدوام ماشووفه بس يدخل مع مدخل الرجال ومقفل الباب القاطع وينام في المجلس ويطلع ويجي مادري عنه
، زوجي انسان طيب وبعض الطيبه تقهر خصوصا في وقتنا هذا اغلب الناس قلوبهم سود وحراميه
قبل ثلاث سنوات جاء عامل البقاله وقال لزوجي ابغاك تاخذ لي سياره اقساط وانا اسددها واخذله السياره والباكستاني باعها وكان مستأجر البقاله من خال زوجي وزوجي يعرفه المهم اخذ سياره ب 108 الاف
الباكستاني ضحك على زوجي قال بيفك بقاله ثانيه والباكستاني سرق الفلوس وشرد وزوجي قعد فيها
ولحد الان يقسطها
لا والباكستاني بعد مخلي ديون على البقاله للموزعين وباع السلع الي فيها وسافر قال امي توفت شهر وبجي وسرق وانحاش
.
من هينا صراحة زعلت بعد السالفه هذي زوجي واخوه وخواته عندهم عماره وهم ورثه وثمنو العماره
ب مليونين و800 الف المهم زوجي يطلعله فوق 900 الف
''
جاء اخو زوجي الخبيث وقال انا ابغا العماره وبعطيك ارض والباقي تصبر علي وتوقع عند الشيخ انك اخذت حقك عشان المعامله ماتعطل وحنا اخوان وابشر سنه سنتين بالكثير الا تاخذ حقك وضحك عليه
،،، انا ارسلت اخوي يسأل المكاتب عن ارض اخو زوجي قالو زين إذا جابت 200 الف وهو بيعطيها اياه عن 600 الف المهم جاني وقالي وعصبت عليه وقلت انت ضعيف يضحكون عليك الرياجيل وذكرته بالبقاله المهم قال انتي تبينا نفترق انا وخوي وكلمه منه وكلمه مني وتزاعلنا
.
الناس تعلم من طقه وحده وهو مايتعلم قبل 5 سنوات اخو زوجي اشترا من زوجي سياره وقال بقسطك اياها وقسط لحد معطاه نصف المبلغ وسحب
والحين جاي يبي يضحك عليه للمره الثانيه وزعل علي عشان واجهته وقلت الصج حتى بطاقته اخفيتها عندي عشان إذا جاء بيروح وبيكتب تنازل عند الشيخ راح يطلب بطاقته ومايحصلها
وقلت خله لين عقله يفتح وعطيهياه
وكل واحد فينا زعلان من الثاني انا تكلمت عليه وهو بعد ماقصر حتى احيانا يجي في بالي اللعن الشيطان وعتذرله بس احصل الباب مقفل
المعذره ماقدرت ارتب كلامي من القهر حسبي الله ونعم الوكيل