اخو زوجي جانا بالبيت وجلس يبكي عند زوجي والسبب ؟؟ بجد رحمتة

السلام عليكم ورحمة الله وبركاتة

بنات ادخل بالموضوع على طول

اخو زوجي شاب عمرة 28 سنة ماتزوج الولد كان قبل سنتين مهمل نفسة ويسافر و و و

وله الان سنتين ماشاء الله تبارك الله يصلي بالمسجد ولا يسمع اغاني ويوميا يقرا قران

ومحد يركب معه الا يسمع القران مشغل بسيارتة المهم يا بنااااااااات

الرجال دايم يحطمة ابوووووووووووه ويكسر بخاطرة

الولد براسة شيب وابوه يلوم الولد علشان راسة شيب ويقولة انت مثل عمك

وروح شوف شكلك ويتحطم الرجال نفسيا يقول الرجال وش ذنبي اذا براسي شيب ؟؟

الرجال راح لاابوه وقاله يا يبة ابي اطلعلي من راتبي سيارة لان مابي راتبي يطير نهاية الشهر ولا استفيد

منة شي او ادخل مشروع وامن مستقبلي ؟؟

تدرون ايش رد علية ابوة ؟؟

قاله الله واكبر وش هالمستقبل يالمليونير رحت ولا جيت انت فلااان

قال الولد يا يبة مابي اسوي شي الا برضاك بدونة مابي

قال ابوه خل عنك الخرابيط قال الرجال طيب ابي اطلع سيارة واضمن فلوسي وين تروح

لاني مااعرف اجمع تردون ايش رد ابوه ؟؟

قاله رحت او جيت بيقولون الناس انك فلاان

حطمممممممممممممممممممممممممممة

ويلومة على السنين اللي راحت لية ماشريت سيارة للعلم ابوه قاله قبل سنتين لا تشتري سيارة انا

بشتريلك وقاله لا تاخذ قررض

والحين ابوه يقولة ليش ماشريت قبل سنتين ؟؟

الرجال يقول مابي ارد على ابوي واقول انت قلتلي لا تشتري لان مابي ارفع صوتي وارد ؟؟

لان الولد بار بأبوه ؟؟

جد جا لزوجي يبكييييييييييييييييي من القهر يقول وش اسووي

والرجال عيال عمة كبرة معهم سيارات جنان وهو سيارة قديمة مررة كل ماجا يشتري يحطمة ابوه

لو يشتري اي شي يشاور ابوه ويحطمة ؟؟

وش يسوي ارجوكم نبي حل له لان زوجي قاله ان شاء الله تنحل مشكلتك

رجااااااااااااااااااااااااااااء علموني