اخو زوجي * هآم جدآ * !

السلام عليكم ورحمة الله وبركاته


ياليت تتفاعلون معي في الموضوع لأن ضايق صدري مره واللي ماتقدر تقول شي ترفع موضوعي الله يعافيكم .


القصه ومافيهآ انا سآكنه بشقـه الشقه عباره عن اول ماتدخلين سيب وغرفـه وحمام وهذي خاصه للشغاله بعدين صاله فيه التي في وغرفتين متاقبلات بينهم حمام اخو زوجي يجي من تبوك ويجلس عندي اسبوع اسبوعين واحيانا شهر طبعا بتسألون وين يجلس فيه تدرون وين يجلس فيه في الغرفه اللي قدام غرفتي !!

يعني مابيني وبينه اقل من شبر
ويستخدم الحمام اللي انا استخدمه

لأن طبعا مو مستخدم حمام الشغاله !


تصدقون اني احيانا اجمع الصلوات مااقدر اطلع يجلس في الصاله ويدخن :06:

في بيت اهله مايسوي كذا !!

قبل مايجيني عيال كان يجلس في جناح الشغاله وكنت ماادري عنه لأنه يطلع ويدخل ماادري عنه لأن كان فيه باب بيننا بس الحين قسم مشترك واذا كلمت زوجي ولا ضاق صدري وبان على وجهي قالي طحتي من عيني!!ليش نفسك صغيره انا والله مو قصدي كذا بس والله حرام مااخذ راحتي ابدآ عنده اخوات واخوان في نفس المنطقه وساكنين بفلل كبيره بس مايروح لهم تدرون ليه ؟
عشان مااخذ راحته في التدخين وماعنده قوانين متى يرجع للبيت ..


تكفون دوروا لي حلول مرررررررره ضايق صدري :(

اكيد بتقولون روحي لأهلك اروح يوم يومين بس اذا استمر اسبوع اسبوعين صعبه اترك زوجي ع هالحال



وبتقولون كلمي زوجك صعبه لأنه يحب اخوووه ولا يعطي كلامي اهتمام
الله يعآفي كل وحده ترد ويجزاها عني الف الف خير ويحقق لها كل اللي تتمنآه



انتظر الردود