اخو زوجي وانا و اختي : ارائكم

السلام عليكم بنات حواء


عندي موضوع سرييييييييع بستشيركم فيه وابي رايكم

انا عندي اخت جميله واحبها طبعا واتمنى لها الافضل دايما

المهم اخو زوجي و النعم فيه متعلم و راتب كويس والخ

بس شغله وحده في قلبي ما يعرفها الا انا
وهو اني دايم كنت اصيده يعطيني نظرات مو شي بس احسه يسترق نظرات يبي يمكن لقافه يشوف شكلي
وكم مره شاف شكلي بالغلط طبعا

الحمدلله ما هو غرور ولكن انا جميله وعارفه نفسي وكل اهل البيت يشوفوني جميله و بس يتباهوون فيني لو رحنا زواج او اي مناسبه يقولون هذي ماخذه ولدنا

و ام زوجي كانت دايم تقول لامي (بالمزح) بناخذ بنتكم بعد دام فلانه ماشاء اخلاق و جمال والخ بس ما هقيت بيطلع جد


بتقولون عادي وش فيها .... بس كنت اذكر ايام كانوا نراهقين شوي بس نتغطى كنت اذكر كم مره يجلس يناظر من الشباك ولا من الزجاج بالليل لان النور يعكس و ما تشوفين برا واللي برا يشوفك والخ
مدري وبعدها لاحظت حركاته تغيرت يعني لو طلبت شي ولا شي علطول يجيبه وكذا يعني محترم نفسه قدامي او عالاقل اقدر اقول يسوي نفسه مثالي ،،،،،
بس مدري اخاف بعد ياخذ اختي و هو مثلا همه فيني او شي

مدري كذا خايفه من كثر ما اقرا قصص يا حوائيات قمت اهلوس

وش رايكم شي يستاهل ينقال ولا اسكت
انا عن نفسي اشوف الولد كويس
و حركاته بطلها الحين لما كبر الشي الوحيد اللي بس اقولكم يسترق نظرات بس ما عمري صدته يطل شباك او شي يعني بس يسترق نظرات لقافه و كذا او يمكن يبي يتخيل شكل اختي يمكن

اتمنى فهمتوني و شكرا

اقروا صح بليز مو تجون تقولون همك فيه عيب هالكلام ترى! تحبون الدرعه انا لو في بالي شي ترى اكتبه عادي محد درى عني ولا عن معرفي يعني ما راح اخاف لو قلت ابيه! بس عيب من جد اتكلم عن اختي و تشتطحون ههههههههه ركزوا بليز مع انها متوقعه