من زمان تعلمت الكوريشيه بس ما التزمت عشان جذيه نسيته بس لما شفت دورة الاخت الطيور المهاجره تحمست ومشيت معاكم واعتمدت على نفسي وسويت شالين واحد لي والثاني للوالده طبعا خذوا وقت لأنهم طوال كنت ابيهم يغطون الكتف وطبعا اعتمدت غرزتين بس الدبل والهاف دبل بس ويارب تقولون رايكم بصراحه انا ما التزمت بباقي دروس الدوره عشان كنت ابي اخلص شغلي هذا بس اخذ مني وقت امي فرحت فيه وايد ويارب تحبونه
الزيتي للوالده
اما العنابي المخطط خذيت فكرته من سجاده من ايكيا ومشيت بالبركه وقصدت اني ما احدد السطور طبعا بعد ما تعبت في شال الوالده من كثر العد
اما الكشكشه اللي في شالي طلعت بالصدفه فقط زودت اللف في الغرزه الوحده بدال ما تكون وحده 2 وساعات 3 حسب ما يسمح لي الخيط
بس تدرووووون توبه اسوي شيلان راح اسوي شغلات بسيطه واصغر لأني انعميت
:27:
كل الشكر على فتح باب التعلم وجزيل الشكر لأختي الطيور المهاجره وكل من شجعني بارك الله فيكن
كان باقي سطرين بس لما شفت شنطة الغاليه ام عزيزان غرت منها واشتغلت بسرعه عشان اوريكم النتيجه فلها الشكر الجزيل على التحميس :27: