اخيرااقدر احكي حكاية ولادتي

مساء الخير للجميع

ومبروك للي ولدوا

وعقبال الباقيين

الحين لي 24 يوم وبنوتتي الله يخليها ماعليها صياحه

ولسه ماسميتها :icon33:

ارجع لموضوعي قبل لاتصيح ومااحكي اي شي

في الاسبوع الثالث من الشهر التاسع الساعه 9 صباحا

في بدايته حسيت بطلق واتصلت بزوجي ووصل وانا وااااااااصله

المهم اتصلت على شيخ بالطريق لاني حلمت حلم وابغى تفسيره

قال ولادتك باخر التاسع وراح تجيبي ولد :arb:

قلت والحين قال لا مافي ولاده بس اذا رحتي للمستشفى راح يولدوك

واعطاني دعاء الهم وقالي قوليه وادعيلي وادعي لزوجك

المهم انا سمعت كذا راح الطلق كله :angry:

قال زوجي هاه نروح ولا نرجع

قلت نروح بس ماادخل طوارئ خليني في المستشفى امشي يمكن يرجع الطلق

وانا اول مره ازور المستشفى

ورحت واتفرجت عليها وفطرنا هناك
ورجعت للبيت

كان هاذا سبت

يوم الاحد كان عندي زياره لصديقه

ويوم الاثنين رحت لاهلي وسهرت

ويوم الثلاثاء برضوا رحت سهره

المهم قبل ماروح للسهره كنت حاسه بتعديلات بسيطه

استحميت وقلت اذا ماخفت ماروح

الاهي راحت رجعت من العزيمه وانا حاسه بشي بسيط لايذكر

جات الساعه 3 ابغى انام ماقدرت المهم واصلت ومانمت وجلست على الانتر نت

كان في الام وانا احسبها من كثر الجلسه

صرت امشي

وارجع للانترنت الى الساعه 7 حسيت بالالم تشد بس برضو ماهي ولاده

الله يجزاها خير الوالده كانت تقول اذا حسيتي بالام دهني فكس باسفل الظهر واذا كان برد يروح واذا ولاده مايروح

المهم دهنت الفكس وماراحت ولازادت

رحت استحميت بماء دافي وماراح

الى ان صحى زوجي قلت له لاتروح الشغل لاني حاسه بولاده

وصراحه الالام يوم السبت كانت اشد من هاذي بس برضوا حاسه انها ولاده

ورحت للمستشفى الساعه 9 وعلى فكره طول التاسع مامشيت ولاشي

بس سباحه ووصلت للمستشفى وصراحه خفت يحوسوا في
بس كانت خدمتهم رائعه

افضل من دله بكثير وصدفه مافي غيري بعنبر الولاده

انا قلت هاذول مايجيهم احد بس لما سألت القابله قالت انتي حظك كذا امسكي الخشب البارحه ولدنا تسع

المهم هي شافتني عادي الام بسيطه قالت ننتظر الدكتوره حتى تكشف ولا مستعجله اكشف انا

هاذي القابله

انا عاد اموت خوف من الكشف قلت احسن الدكتوره

انتظرت ساعه الاربع وانا امشي بالغرفه وكانت الغرفه رائعه وفيها كتب وادعيه ومصحف

المهم جلسنا انا وزوجي

قصدي هو جلس وانا امشي الى ان جات الدكتوره طلبت منها اخذ الاكسجين وقت الكشف قالت مافي مشكله

اسمها الدكتوره رباب رائعه جدا

وطيبه وبالها طويييل

لقت الرحم 4 سم وبالمره مع الكشف فتحت موية الراس

وحطولي المغذي وسبحان الله كانها فتحت زر الطلق بدا طلق يجي وبشده

انا اخذت الاكسجين بنفسي و صراحه انقهرت لاني اتمنيت اولد من غيره

بس الحمد لله 12 ونص الظهر كانت بنتي بحظن القابله :mad:

وماهم راضيين احضنها لاني اخذت الاكسجين وداااايخه وخافوا اطيحها من يدي

المهم طلعت بنتي والحمد لله وجلست في نفس الغرفه الى الساعه 2 ورحت غرفتي

وبرضوا كانت رائعه جدا

وسلامتكم ادري ان كلامي غير مفهوم شوي بس لان بنتي الله يخليها على كتفي وماتنام الا على الكتف والله يعين

صح المستشفى هي ***** مستشفى المملكه *****

ودمتم سالمين