اللهم رب العرش العظيم فرج همها
اللهم رب العرش العظيم فرج همها
اللهم رب العرش العظيم فرج همها
اللهم رب العرش العظيم فرج همها
اللهم رب العرش العظيم فرج همها
اللهم رب العرش العظيم فرج همها
اللهم رب العرش العظيم فرج همها
اللهم رب العرش العظيم فرج همها
اللهم رب العرش العظيم فرج همها
اللهم رب العرش العظيم فرج همها
اللهم رب العرش العظيم فرج...
الغاليه صح كلام الخوات وردودهم كفت ووفت وازيد على كلامهم زوجك مثل زوجي لما التزم تمو ربعه يزنون عليه عرس والتعدد حلال وخذ اجر ومن هالكلام وقعد كل فتره والثانيه يهددني بيتزوج علي مع اني اشتغل وساده عمري وعيالي وخداماتي وبيتي لا وبعد يتسلف مني اخر الشهر وراتبه ولا اشوف درهم منه :16:
اول شي كنت اعصب واقعد اهاوش واصيح بس بعدين تعرفين المثل اللي يقول كل ممنوع مرغوب سويت عكس هالمثل اللحين صار له فتره طويله ماجاب طاري هالموضوع تدرين ليش قال لي مره بتزوج وهذا شرع وحلال قلت له اوكي تزوج الله يسهل لك بس بشرط اول شي
الشرط الاول العدل وهذا انت ماضني تقدر عليه بس بخلي ربي يحاسبك مب انا :)
ثاني شي عيالك لا تنساهم ابغي مصروف حقي وحق عيالي مبلغ وقدره انا معوده عيالي على مستوى ومعوده نفسي على مستوى معين وما بغي شي يتغير عليهم بس مب من جيبي من جيبك مب انت تبغي تعرس خلاص معناته تقدر :30: وابغي سواق وسياره تعوديني وتجيبني انا وعيالي انت ماراح تكون فاضي لنا :16:
ثالث شرط قلت له مابغي اشوف رقعت ويجها في بيتي هذا بيتي ويادوب يكفيني انا وعيالي لا تفكر مجرد تفكير انك تجيبها تسكن عندي تكتب البيت باسمي لاني دفعت فيه مثل اللي دفعته انت بالضبط واكثر فاكتبه باسمي
رابع شرط مابغي اشوف رقعت ويجهك يعني انت ماتبيني ومب مكفيتنك ولا تارسه عيونك انزين روح خلها تشبعك من كل الجوانب معنويا وماديا :hahaha:
تدرين اختي شو كان رده ولااااااااااااااااااااااااااااااااااااااشي سكت ولا رد علي وقلت له انت ماتبيني بس انا ابيك وشاريتنك واحبك مانكر هالشي بس اللي يبيعني ابيعه ولا تفتكر اني بحب ارجولك عشان ترجع لي انت تعرفني زين :2thmup:
وبس اختي من يومها ماجاب طاري حق الموضوع فصبري وتوكلي على الله واللي فيه الخير الله بيكتبه لج بس انتي كثري من الدعاء وقيام الليل والله بيسهل وييسر عليج وديري بالج على نفسج وعيالك ترى والله الرجال اذا حط هالموضوع في باله وصار تحدي او عناد والله مايهمه لو متي او صار لج ماصار
اسفه طولت عليج بس هدي اعصابج وفكري بهدوء باللي قلته ومافي مانع انج تقولين له ان هالشروط يكتبها في عقد زواجه من الثانيه او في ورقه قدام شهود :icon29: