اخيران رديت على بنت خالتى

السلام عليكم
بادخل في الموضوع على طول
زوجى قبل لا يتزوجنى ابوه راح خطب له بنت خالتى وقتها كان عمره 19 سنه وهي عمرها 20 البنت رفضت وقامت تعيب عليه ما بغى الا فلان اتزوجه بدوى مروح ومن هذا الكلام ايامها انا كنت صغيره يمكن عمرى 14 سنه المهم كبرنا والموضوع خلاص نسناه وجاء زوجى وخطبنى وقتها كان عمره هو 25 وانا بدايه 20 والحمد لله تم الزواج وربي وفقنى بواحد يحبنى
بنت خالتى عادي معاي يعنى ما جابت سيرته ولا تكلمت بالعكس وقف معاي في زواجى وملكتى وانا اعتبرتها اختى واعاملها احسن معامله
زوجى صحيح ما كان يهتم بشكله ولبسه لان طبعه بدوى يعنى مررره ما يهتم بالكشخه وسبحان الله تزوج في البدايه تحملت وحبه حبه غيرت فيه اشياء كثيره من ناحيه المظهر واكيد كثيرين مثلي
المهم
كنا ذاك اليوم نسولف عن الامهات الي يحبون عيالهم وحتى وهم رجال يحضنونهم وكل وحده من البنات تقول قصتها
انا قلت حتى عمتى لما نجى من السفر تحضن زوجى ولدها وتسلم عليه قامت بنت خالتى تتريق على زوجى بحركات بوجهها وقالت مابغى الا فلان الا هو زوجى انا نغزنى قلبي وانقهرت من حركتها قلت اسكت ماعليه منها بس يوم رجعت البيت قلت لامى شفتى فلانه قالت امى ايه لاحظت عليها هذا اول موقف ومن بعدها كل ماروح مكان او ابوها او امها يجبون طاريه بمرجلته وشيمته وجلسته مع الرجال بالمجالس الا تحاول تقلل من قيمته
طبعا اوبوها يصير عمى وعم زوجى بنفس الوقت
وبرضو اسكت ما اجادلها ولا ادافع عن زوجى مع انه ماقد شافت منه اي شي لا خير ولا شر
في عيد الاضحى الى راح عندنا يذبحون الذبايح في الحوش ويطبخون الرجال العشاء وزوجى ذبح وسلخ اضحيته ووطبخ العشاء مشالله عليه طبعا بمساعده عيال عمى الثانين
العشاء كان في بيت اهلى جو بنا اعمامى واجتمعنا وجلسنا نسولف وفلانه كانت من ضمنهم قالت وحده من بنات عمى مشالله على زوجك تبينى يقلون سريع سريع خلص اضحيته قلت انا اي والله وبعد طبخ العشاء عليه اليوم
قامت فلانه قالت اقول بس منهو فلان والله مايعرف شي
انا هنا قلت خلاص وقمت ورديت عليها قلت لاوالله زوجى والنعم فيه كفو ورجال وانتى ماعندك مثله قالت هى ولا ابي ربعه قلت انا اصلن مراح يجيك ربعه احسن من الي جاك وبكيتى عليه (لانه جاها واحد مو كفو واهلها رفضو وسوت مشاكل مع امها وابوها واخوانها علشان تتزوجه ورفضوه لانه مايصلح اول شي اصغر منها ب عشر سنوات ثانى شي داشر يوم سالو عنه ويوم رفضو اهلها بكت وقطعتهم بس صارت تحبس نفسها في الغرفه ) قامت وحده من بنات عمى قالت اصلن لسى تبيه
قامت وحده تسكتنا تقول خلاص خلاص
والله بردت قلبي فيها