تعرفون مانزل موضوع الا وانا مجربته بنفسي مو منقول
انا تقريبا من اكثر من سنه ريجيمات ولخبطه وصبغات وبلاوي زرقاء بشعري فصار يتساقط بشكل فظيع
هذا غير انه صار جاااااااف ومتقصف بسبب الريجيمات والصبغات
لحد مادلتني وحده من صديقاتي بعد ماشاافت شعري على هذا الشامبو اسمه ( انافاز ) وبخاخ للشعر من نفس الشركه
وهذي صورة الشامبو
وهذا البخاخ طبعا يجي في العلبة علبتين علبه بالنهار وعلبه بالليل
طريقة الاستخدام اول شي تحطين شويه شامبو وتغسلين الشعر عادي وبعدين تحطي مرة ثانية شامبو وتفركين شعرك لمدة دقيقه وتغسلينه عادي
بعد ماينشف شعرك تبخين بس سبع بخات من اي واحد فيهم حسب الوقت
يعني لو بالنهار بخي اللي فيه صورة شمس
وبالليل بخي اللي فيه صورة القمر ياقمرات
والله تشوفي النتيجه من اول اسبوع وبشهر تشوفي الفرق
لمعان وثقل حتى صار شعري ماتمسكه الشباطه بعد ماكان زي ذيل الفار
طبعا اقل شي تستخدميه 3 شهور عشان النتيجه النهائيه
وعادي تقدري تستخدميه كل يووووووووووووووم مايضر اذا كان التساقط مزمن
لكن لو التساقط خفيف خذي النوع الثاني من البخاخات وتستعمليه 3 مرات بالاسبوع وتلقيه برضه بالصيدليات
الشركه اسمها ( ducray )
الشامبو ( anaphase)
والبخاخات (chron stim)
واشتريتها من صيدليات النهدي وتلقيها باغلب الصيدليات اذا ما خاب ظني
واللي تعرف من وين اشتري بودرة الكولاجين الذهبيه تسوي فيني خير :angry:
وعلى فكره ريحه البخاخات روووووعه تقدري تبخي وتروحي الدوام وحتى عند زوجك مافيه ازعااااج ابدا