اخيرا اهله ردوا ويا ريت يا ردوا

http://forum.hawaaworld.com/showthread.php?t=3941121

http://forum.hawaaworld.com/showthread.php?t=3945098

طبعا صارلي عشر ايام في بيت اهلي وحكتلكم بعتنا شيخ دين من طرفنا ينهي الموضوع بس ما رد عليه 3 ايام وهو يتصل

وبعتنا مسج لامه تسريح باحسان كمان ما ردت علينا

البارحة بعتت مسجات لامي (( يعني حتى الوقاحه مسجات مش تلفون تحكي معي تتفاهم )) وحتى هي الي حكت مش ابنها كان رجال كفاية يجي ويحكي ويواجه بابا ويدافع عن حاله

حكت : اتق شر الحليم اذا غضب .. انا لن اتعامل بحكمة وعقلانية مثل كل مره بالعكس سوف اكون شرسه وافتح النار عليكم (( مش عارفه ليش الفصحى بالحكي )) بس مضمون كلامها انو راح اندفعك انتي وبنتك الثمن الغالي والنفيس على كل كلمة حكتوها عن ابنا وماراح نسمح لاي حد فيكم يجيب سيرته بكلمة ..واحنا جاهزين للمحاكم والقضايا والفضايح. واحنا عنا لسان سليط راح نحكي عن بنتك ونفضحها بين الناس وماراح نسكت وراح نحكي عن بلاويها الي صبرنا عليها سنين .. وانتي بنتك ما بيضت وجهك بنتك سودت وجهك... وواضح وضوح الشمس انو بنتك عملت كل هاي الحركة عشان الخلفة احنا صبرنا عليها صبر مرير وكل شهر نتمنى تحمل بس بنتك مش ولود وعشان تغطي عيبها افترت على ابنا بكلام مفبرك خالي من الصحه وبسبب عدم قدرتها على الانجاب اصبح لدى ابنتك حالية نفسية ونكد واصبحت تنكد على ابنا ليل نهار .. تعوض النقص بعدم قدرتها على انجاب حفيد لنا ...


شو رايكم بسمة البدن!!! هاي الي كنت اعتبرها مثل امي والله العظيم عمري ما جبت هدية لامي الا جبتلها مثلها... وقفت جمبها وجمب بناتها بكل مناسبة وبكل موقف ... يجوها ضيوف بناتها اعدين وانا الي اضيف واعمل واسوي كل اشي ومحتسبة كل اشي لوجه الله ولرضا زوجي... برمضان والله والله اروح من شغلي تعبانة بس اغير اواعي واروح لعندها اساعدها بعزومتها وبناتها يجوا قبل الاذان بدقيقة زي الضيوف... كان بكل ويك اند الي تاخد زوجي اليوم كله ال تجيب اغراض لبيتها بالرغم عندها يوم السبت اجازة هي وابنها بس ماكان يحلالها غير الجمعة وما برجع غير ساعه ولا ساعتين يوعد معي واحكي لازم يوقف جمب امه ويساعدها هدا ابنها وسندها ... كتير كتير كتير شغلات كنت اطنش واصبر واسكت واحكي عادي بتمشي

بس تيجي تعايرني اني مش ولود!!! وصبرت علي صبر مرير!!! يا جماعة تحاليلي كلها سليمة والله وكلها 3 سنين والي صار معنا اكيد عقاب من الله لابنها لانه ما اتقى بنات الناس وخبص وارتكب الزنا والفاحشه .. كيف توقع الله يرزقه بولد صالح

ماراح احكي غير حسبي الله ونعم الوكيل .. احنا ما النا غير المحاكم ... هي تاخد حقي ... حتى ما بدهم يطلقوا بالساهل بدهم فضايح ومحاكم



حسبي الله ونعم الوكيل