اخيرا بقولكم قصتي مع الحمل تعالو وادعولي تكفون

السلام عليكم
خواتي انا بدخل بالموضوع على دخلت الآن اربع سنين متزوجه ماشاء الله وربي يؤلف قلوبنا يارب
قصتي بدت بعد سنه من الزواج بدون حمل سويت فحوصات كالعاده تكيس ضعف غده هرمون حليب

المهم بديت بالكلوميد بعد سنه وست شهور سبب لي كيس على المبيض
وتعالجت ولله الحمد بعد سنتين ونص اخذت ابر تنشيط وابره تفجير وكمان ماكو نتيجه وصل الحجم 17 يعني ضعيف
على فكره كلما دخلت على دكتوره على طوووووول تقولي نقصي وزنك
والله اني مااكل لكن وزني يزيد ولله الحمد على كل حال
بعد ثلاث سنين ونص كانت اجازه زوجي قربت وبروح لهلي لمده شهر في هالفتره قلت بشيل فكره الحمل الحين
وخليني اروح عند اهلي واسوي رجيم وبعد مااجي ابدا الرحله من جديد
قبل مااروح بثلاث اسابيع رحت لمكه ودعيت ربي من كل قلبي اني احمل ولزمت الا ستغفار ودعاء الليل
وكنت كلما دخلت المنتدى وشفت وحده تقول ادعولي ادخل وادعي لها بالحمل
وكنت ادعي لقريباتي وصديقاتي المتأخرات كني ادعي لنفسي
المهم قرب السفر وجبت لي وحده تسويلي حلاوه قبل اروح قالت لي بقولك شي قلت وشو قالت شكلك حامل
قلت :o ليه تقولين كذا قالت مدري بس احس
المهم انا طنشت وللمعلوميه ماكنت ادري منى وقت الوره اللي فاتت بس فيه كم وحده اعرفهم تجينا الدوره مع بعض
اتصلت عليهم وكنت احاول اعرف جتهم الدوره او لا
لقيتهم مخلصينها وينتظرون الدوره الثانيه
انا:o استغربت قلت مابدها بروح اجيب تحليل واشوف
رحت الصيدليه بس ماكان زوجي يدري وشريت التحليل وسويته

وكانت النتيجه














اكمل بعدين:30:








امزح خلكم معي





لقيت النتيجه+ يعني فيه حمل :32:

تتوقعون وش كان ردي والله يابنات كنت مصدومه :eek: اكثر من مبسوطه
وسكت ماخبرت زوجي لاني ماكنت مصدقه قلت يمكن افرح لما اشوفه بالسونار
رحت لهلي ورحت لدكتوره هناك الله لايوفقها وين ماراحت :angry2:
كشفت على من فوق قالت مااشوف شي
بسوي لك منظار مهبلي قلت طيب مايأثر قالت لالالالا ابدا:30:
سويته ولقت الكيس وقالت عمره شهر واسبوعين
برضه مافرحت ولاخبرت احد الحين دخلت بحاله ثانيه وهي الخوووووف مدر من ايش:(:(
طلعت منها وكلمت زوجي وقلت له اني حامل برضه ماصدق ولا فرح سبحان الله
بصراحه انا زعلت لكن قلت اذا انا مافرحت كيف ازعل عليه :angry2:

اسمحولي بريح شوي والله تعبت وبرجع للحديث بقيه
دعواتكم يالغاليات: