مساكم سعاده وطاعه وعباده
بنات بقولكم قصتي والله على ما اقول شهيد ويعلم ربي ان قصدي الفايده لكم وبس ...
بنات انا بطني كان حلووو وصافي لكن لما حملت مثل معظم البنات طلعت لي خطوط حمراء وبيضاء وبلاوي وصرت مثل حمار الوحش ..
بطني كان مضيق صدري واااايد ومو مخليني اخذ راحتي باللبس تعبت نفسيتي حتى زوجي ما يقدر يطالع بطني ولو طله وحده بس ولو ارتفع القميص شوي انزله عشان محد يشوف الخطوط..
بديت استخدم كريمات وقريت عن كريم ماركه مذركير ومدحوه البنات لكن ما سوى لي شي ,, واستعملت بخاخ روك وبعد ما فاد وكنت مستمره ومداومه بس بشرتي من اصعب البشرات..
قمت ادور عالحل ووجدت ان الليزر هو افضل الحلول ,, توجهت لعياده الدكتوره عشان اعمل الليزر وخبرتني ان في تقنيه جديده واله جديده تشيل الخطوط الي بالبطن بما انها حمراء راح ينفع معاها وهي تنفع ايضا للخطوط البيضاء ...
انا خفت اجازف وخبرتني ان هناك جهاز جديد اسمه ريو بولش rioblush هالجهاز يعتمد على ثاني اكسيد الكربون عن طريق الحقن ..
انا بصراحه خفت لكنها شجعتني وقالت لي بتلاحظين النتيجه من اول مره ,, دخلت للغرفه الي فيها الجهاز وكان الجهاز مثل المكيف الصغير المتحرك شكله وفيه ابره هذي الابره تحقنها الممرضه مكان الخطوط تخيلو كل خط يصير فيه ابره او اثنين
الم وعواااااار بس الي يبي الحلو يصبر على مره ومكان الخط بتشوفونه ينتفخ نتيجه دخول ثاني اكسيد الكربون طبعا كنت محتاجه لعده جلسات لان الخطوط كثيره وغامقه وطلبت مني ارجع بعد اسبوعين لان كل جلسه والثانيه لازم بينها اسبوعين ...
النتيجه ولله الحمد ان اول مره خفت الخطوط بنسبه 20% واول امس سويت الجلسه الثانيه واليوم اشوف الخطوط وخفت بنسبه 45% الى 50% ومع نهايه الاسبوعين اكيد بتخف اكثر يعني محتاجه باذن الواحد الاحد جلستين او يمكن وحده عشان اقضي عليهم الحمدلله والشكر ياااارب مع اني من الاجسام الي صعب تتاثر بالعلاجات وما يفيد في جسمي شي ...
سويته عند دكتوره سميره المتروك في البحرين
سعر الجلسه الواحده 60 دينار يعني ليحد الان دفعت 120 دينار بس والله افضل من الكريمات والخرابيط الي مفعولها بطئ ابدا ما ندمت اني سويته كانت الخطوط لونها احمر الى بني غامق وصارت بني فاتح وقربت تتوحد مع البشره والمنطقه الي سويتها فقط البطن ...
ادعووولي يابنات اوصل للنتيجه الي ابيها وانصحكم من كل قلبي فيه
اي سؤال انا حاضره
دنيا ملونه @dnya_mlonh
محررة فضية
يلزم عليك تسجيل الدخول أولًا لكتابة تعليق.
ملكه الرومانسيه S
•
يسلمووووووووووووووووووووووووووا
الصفحة الأخيرة