السلام عليكم ورحمة الله وبركاته
هلا خواتي اخيرا جربت مكياج امنه شاهين واستفدت منها اشياء كثيره انا شخصيا مااستخدمها مادري اذا انتوا استخدمتوها ولا لاء
اول شئ مكياجها كان روعه وايد حلو تمكيجت مكياج لبناني سموكي كان روووعه
وكل اللي حطته في ويهي كان مرتب وحلو والوانه ملفته
وماتغير اللون طوول العرس
وطبعا تعرفون نصفي الثاااني لازم تسأل
وقمت اسال واسال لين ماشبعت علشان اسفيد طبعا وانتوا تستفيدون معاي
انا سالت لانه فعلا كان مكياجها متقن وحلو ومرتب وخطوطها مرتبه
وسالت لانه خاطري ابي اعرف اللي حطته لي ولاختي علشان اشتريهم ويكونون عندي لاني مب كل مره راح اتمكيج عندها لوووووووول بس في المناسبات
شكلي كل اسبوع باتمكيج عندها علشان استفيد مصلحه هههههههههه
المهم حبوبات
باقول لكم اللي استفدت منها وان شاء الله معلوماتي تعجبكم يارب
بنااااااااااات
طبعا انا لما وحده تمكيجني لاااااااازم اسالها شنو اللي حطيتيلي في حاله انه عجبني او ماعجبني
اذا ماعجبني اسالها علشان اتفادها وماشتريه بالغلط
وطبعا اذااا عجبني ابتدي اسال على كيف كيفي لووووووووول
المهم
عجبني الكحل اللي حطته لي امنه شاهين
ماشاء الله من تمكيجت الساعه 3 العصر تم الكحل ولا تغير ولا صار فيه شئ لين اليوم الثاااااااااني العصر (طبعا رقدت فيه من الخرعه لوووووول )
وكاااااان فااااااحم
والحلو انه لما كانت تحطه لي احسه انه مائي ويوم سالتها قالت لي هو كريمي بس يستخدم بالماي ومن تحطينه مايسيل على طول يتثبت
لانه انا استخدم بن ناي الكحل الاسود اذا احطه لي من تحت او اسوي بداوي لونه رهيب طبعا بس انه شويه يسيل ولازم احط اساس او امسحه او او
اما هاي الكحل من حطته لي خفت اني احرك عيني قالت لي لا عادي ماراح يسيل
ويوم جاه دور اختي قمت ادقق على كيفي لانه خبركم مب انا اللي اتمكيج يعني اقدر اشوفها شتحط لها
اشوفها اول شئ تحط كحل سائل وعقب هالكحل الكريمي
واكيد تبون تعرفون شنهو هالكحل
هو كحل اسود كريمي فاحم من اتيلير
حطت لنا اول شئ كحل سائل من لانكوم عقب كحل اتيلير
بس كان فعلا روعه وفاحم وماخترب لين اليوم الثاني والله انصدمت عجبني فعلا
بس اللي خايفه منه من الطريقه هل له طريقه معينه للاستخدام لثباته ولا عادي
تهقون عادي
ثاني استفاده
هاي بالنسبه للكحل
انيي الحين للشدوهات
البرتقالي اللي حطته لي والاصفر كانوا ثابتين ولا تغيروا ولا شئ والوانه حلوهم
والفوشي والتركوزاي اللي حطتته لاختي كان روعه
والاحمر اللي حطته لاخت العروس كااااااااااااان عذاااااااب الاحمر الدموي اللي خاطري فيه ولافت روووووووووووعه شويه عليه
اول مره اتاكد انه اتيلير الوانهم روعه
من امنه شاهين
وهي تستخدم كرايولان واتيلير اكثررر شئ اصلا انا ماشفت على الطاوله الا كرايولان واتليير بس اللي استخدمته لنا كله كان اتييليير
ثالث استفاده
والحين دور الارواج
يااااااااااااااااااااااااااااي
ياااااااااااااااااي
ياااااااااااااي
على المشمشي اللي حطته لي رهييييييييييييييب
بصراحه روعه ومن غير غلوس كان مات واحلى شئ للاعراس المات علشان مايخترب وتم طول السهر وانا من العصر لين اربع الفير ماتغير الروج عجييييييييييب كان
صج صج الارواج اللي عندها كل الوانه فاتحه بس مو فاتحه فهتموا اشلون
يعني في العلبه تشوفينها فاتحه وعلى شفايفج فاتحه بس وااااااااااضحه يمكن اقول لكم هي بين الفاتح والغامج
وحطت حق اختي روج وردي باربي روووووعه صج حلو
وانا واختي تعودت على الغلوس والروج الامع وهالمره غيرنا خلينها مات لانه كنا بنرجع البيت بنحط غلوس فوقه بس غيرنا راينا
بس صج تم الروج ولا تغير وكان الوانه رهيبه
بس الروج قدرت اشوفه وهي تحطه لي وعرفت من العلبه انه من كراااااايولان بس بعد سالتها قالت لي ايه من كرايولان قالت احلى ارواج ارواجهم الوانه رهيبه تقول انا ماخليت شئ ماخذته ماتعامل مع اي روج الا الرواجهم لانه يبرز جمال الشفايف وغير انه الوانه فاتحه بس رهيبه وواضحه على الشفايف
رابع استفاده
والحين نجي للانف (حلوه الانف طبعا الخشم لوووول )
اول ماحطت الاساس وخلصت بدت في تحديد خشمي
وتمت تحط مادري ايش بس شكله كريمي وماسكتت قمت اطالع وارفع راسي بس ماتنتبه ولا يخرب علي خشمي ههههه
المهم شفت العلبه ونااااسه عرفت طبعا من اي ماركه
من كرايولان العلبه اللي تجي فيها اربع او ثلاث الوان والله نسيت المهم هي خاصه للخشم بس الوانها حلو وتحدد الخشم بشكل طبعي ومو لافت وحلو
بصراحه بصراحه شفته احلى من ميك اب فور ايفر
لانه ميك اب فور ايفر اذا باحطه للاعراس مايطلع اللون الغامج وايد واحاول اكثف منه بس الاساس يخترب علي ليييش
لاني اكون حاطه ثلاث طبقات من الاساس للاعراس بس الايام العادي عادي يكون واضح بعكس كرايولان
كانت حاطه لي ثلاث طبقات ولمسات خفيه من اللوس باودر فوق هاي اللون كان واضح واللون اللؤلؤي كان حلو في وسط الخشم
ووووووووووو
وهالمعلومات اللي استفدت منها وانا من فرحتي قلت اقول لكم تستفيدون معاي لانكم خواتي
ان شاء الله معلوماتي حلوه
واللي مستخدمه شئ منهم تقول رايها
سوى كحل اتيليير
او شدوهات اتيليير
او ارواج كرايولان
او تحديد الخشم من كرايولان
\قولوالي من استخدمتهم
لانه خلاص مقدر استحمل ابي اشتريها
بس انا من الخرعه جيت اقول لكم قبل ماشتريهم
بس انا خايفه انه عندها طريقه لثبات المكياج طول هالوقت
ابيييييييه قمت اوسوس ياحليلي
لاتلوموني من الوناسه والخرعه بعد لوووووووووووول
نصفي الثاني @nsfy_althany
محررة برونزية
اخيرا خلص عرسنا وجربت مكياج امنه شاهين وتعالوا اقروا اللي استفدته من معلومات . حياكم!
57
7K
يلزم عليك تسجيل الدخول أولًا لكتابة تعليق.
أمل55
•
أختى أكيد عندهم طربقه لتثبيت المكياج
مشكوووووووووووره عزيزتي على المعلومات الحلوة واشكرج عليها خاصه موضوع الكحل الفحمي من اتيلير عجبني وباروح اشترية واجربه وماركة اتيلير وكرايولان ماعليها كلام هي التوب في الماكياج المحترف.............. اما بخصوص التثبيت اعتقد ان الالوان نفسها ثابته بعد ماتحتاج .
هلا اختي الغاليه
هو صح كلامج
بس انا متاكده انها مااستخدمت شئ لتثبيت المكياج بس طريقه مكياجها ودمجها ممكن يكون فيه فن وثبات اعتقد
هو صح كلامج
بس انا متاكده انها مااستخدمت شئ لتثبيت المكياج بس طريقه مكياجها ودمجها ممكن يكون فيه فن وثبات اعتقد
ياهلا فيج اختي
صح هالماركتين ثباتهم قوي انا اول مره اجرب الاتيليير بس صج عجبني
وكرايولان لايعلى عليه
بس عمري ماجربت ارواجهم شكلي باطيح عليهم كلهم
صح هالماركتين ثباتهم قوي انا اول مره اجرب الاتيليير بس صج عجبني
وكرايولان لايعلى عليه
بس عمري ماجربت ارواجهم شكلي باطيح عليهم كلهم
الصفحة الأخيرة