اخيرا سجدت لله شكر ..تجربتي مع تكثيف شعري المتساقط

السلام عليكم ورحمة الله

حبيباتي الغاليات..

بعد مااستفدت كثيرمن تجارب البنات هنا الله يجزاهن خير الجزاء قلت افيدكم بتجربتي مع تكثيف شعري الي شوي واكون قرعا بسبب التساقط ولاحول ولاقوة الا بالله

التساقط عندي من فتره يزيد وينقص المهم ماخليت شي مجموعة الخيول من قزاز فتره كثرشعري وبمجردماتركتها رجع تساقط اخس من قبللدرجة اني بديت احس مقدمة شعري مع الاطراف قرعت بدت تبان الفروه والي زاد الطين بله بعدالصبغه وحبوب منعالحمل والتوتروالرجيم الغيرمدروس..الخ

بعدها لجأت لله بالدعاء هو خيرمعين يلهمني الحل لشعري ويكثف ويزين

سبحان الله جربت خلطه كنت اسمع عنها دايم وموجوده طريقتها عندي بكتاب انوثه حنونه انصحكم بهالكتاااااب خطييييير

المهم قلت اجربها واحسها فعلا مقنعه وسهله (تكره الشغل الكثير) وغيرمكلفه

الخلطه

تحمسين نوى التمرقد كوب لين ينحرق مرررره ثم يطحن كالبودره

ثم تحطينه مع كوب زيت نارجينالعلبه الخضراء الاصلي وتخلينه فتره يوم وتستخدمينه رررروعه

اناسويت الطريقه بس ضفت زيت خروع (ممتازللتكثيف)وزيت خردل(يطول الشعر)..وشويةزيت زيتون مرقي وملعقة عسل

وحطيت بعلبة مسكرا فاضيه بعد مانظفتها نفس الخلطه بس خليتها ثقيله لرموشي

حطيت زيت الشعربعلبة توزيع الصوص البلاستيكيه الي موجوده بمحلات المواعين وساعدتني على توزيعالزيت بدون حوسه

وصرت قبل الحماماحطها والف شعري بكيس بعد ماادلك فروة الراس واحيان اشغل الاستشواروامرره علىالكيس من ببعيد شوي واخليها ساعه واحيان نص ساعه عشان ماعندي وقت مع البيت وولدي الله يصلحه ثم اخذشور واستخدم شامبو دوف للشعرالمتساقط

واستمريت اسبوعين ثم خليتها مره بالاسبوع

والتيجه توي سجدت لله شكر(قولوا ماشاء الله تبارك الله)

شعري كثف وتغطت فروةالراس وصارناعم بلمعه وحسيته طول عن قبل والتساقط وقف على طول ماشاء الله ماني مصدقه النتيجه سريعه ماشاءالله ورائعه والحمدلله

وبالنسبة لرموشي للاسف مااستمريت كسوله مغيرانسى لكن ابرجع استمرعليها ان شاء الله..

باقي لي شوية تقصف بااطراف شعري مالقيت له حل شكلي ابقصه
والله يعين

ونصيحه ابعدوا عن الصبغات هي عدام الشعر

وبس هههه

دعواتكم الله يحفظ عيالي ويهديهم ويسخرزوجي ويشفينا من الحسد