هالأيام طحت على كم موضوع كلها مقالب..
قلت يابنت خليك مثل الناس وسوي مقالب زي الحريم..
ولاادري وش الغرض منها بس يالله يمكن زوجي يتقرب مني او يتقرب لقبره واحده من الثنتين..!!
وشكلها الثانيه عقب هالمقالب ..
ايه ابقولكم على مقالبي..
مره قعدت بالدولاب ويوم جا ياخذ ثوبه طلعت وروعته..بصراحه جاز لي منظره
خصوصا .. لو جته سكته كان يا سلاااااام..يكمل المقلب
مره لبست قناع مخيف وطلعت له بالظلام .. كان منظره رائع يوم خاف مني
بس حسافه ماجاه الصرع عقب روعته..
ومره تخبيت ورا باب الحمام وخليته يدورني يدورني يوم دخل الحمام واطلع له
وانا نافشه شوشتي,, احتمال انه جا السكر ماادري عاد بعد الفجعه
ومره فكرت ادخل بالثلاجه واطلع له وهو جوعان..لكن ماكفتني الثلاجه
ان شاء الله اسويها بالفريزر..
ما سبق ميب مقالب انا سويتها ولا افكر بيوم اني اسويها لكن هاذي نماذج قرأتها وسمعتها
يا بنات شسالفتكم انتم وهالمقالب؟؟؟؟
بالله عليكم هاذي مقالب ..؟؟ !!
اتقوا الله في أزواجكم..والله لو انا رجال وزوجتي تسوي كذا مااقعد في البيت ليش ناقص خبال؟؟؟
انتم تدرون متى يتلبس الجن بالأنس..؟؟ في حالة الغفلة والخوف الشديد والفزع الشديد
وتجون تقولون لي مقلب..
الرجال ممكن تجيه سكته وانتم تقولون لي مقلب..
اسمحوا لي هاذي مو خفة دم هاذي ثقالة دم ..
انا شخصيا لو يجي احد ويسوي فيني كذا ممكن يوقف قلبي .. الغفله ياناس شينه افهموا
الانسان لما يكون غافل وفي أمان الله وتجيه فجعه قويه ترا والله مو زين وعواقبها سييييييئه
انا حذرتكم اللهم هل بلغت اللهم فأشهد..
مو كل مزح يسمى مزح ..في شروط واحكام ديننا وشريعتنا ماتركوا لنا شي ..
الكلام هذا ينطبق على كل أحد مو بس الزوج..امك اختك ابوك اخوك صديقتك جارتك مايجوز الترويع
اختم كلامي بقصه قرأتها في الانترنت أثناء تجولي ..اتمنى تنتبهون زين
وتفكرون قبل لاتقدمون على أي تصرف,, فكروا زييييييييييييييين..
اسمها المزاح القاتل وصاحبة القصه هي اللي كتبتها قصه حقيقيه