يارب يخليكي يام حازم ياقمر استفدت كتير كنت يادوب

اضع القيطان علي الرسمه واشتغل التوصيل اللي بينهم

وغرزه السراجه بس

افدتني كتير جزاكي الله كل خير

اخيرا اخر فقرة فى الكتاب
كيفية عمل مفرش السرير
يعتبر مفرش السرير من اروع واثمن اعمال اللاسيه اليدويه واما ان يكون مفرش اللاسيه كله مصنوع من اللاسيه او ان يكون وحدات من اللاسيه (ابليكات)مثبتة على القماش وهذا النوع يحتاج الى بعض الايضاح والتوجيهات
بعد اختييار موديل رسمة المفرش ولون اللاسيه المناسب نقوم بعمل كل جزء من اجزاء المفرش على حده كمثل اى مفرش لاسيه عادى وذلك عن طريق الخطوات السابق شرحها
ويمكن ادخال لونين منسجمين من اللاسيه مع بعض فى المفرش الواحد ويمكن عمل الاطار الخارجى لوحدات المفرش بفتله قصباما الاجزاء الداخليه بلاسيه ساده
وبعد الانتهاء من عمل جميع وحدات المفرش ياتى دور المفرش القماش الذى سيتم تركيب وحدات اللاسيه فوقه
هناك طرق متعددة لعمل المفرش القماش اما ان يكون ساتان اوشيفون او اورجانزا
وبغض النظر عن نوع القماش من الافضل ان يكون بالوان فاتحه
يثبت اللاسيه على قطع شفافه ثم نعمل مفرشمن الساتان ليكون ارضيه تظهر من تحت وحدات اللاسيه


خطوات تفصيل المفرش القماش


نقوم بقص القماش حسب طول السرير مضافا اليه 15 سنتيمتر فى كل جنب من الجانبين -ناحية القدم وناحية الراس- مع مراعاة اضافة حوالى 5 سنتيمتر لثنى القماش اذا كان عرض السرير اكبر من عرض القماش نقوم بتوصيل العرض
نقص قطعتين من القماش لعمل الكورنيش للجانبين بعرض 45 سنتيمتر لكل كورنيش وبنفس طول السرير مضاف اليها زياده قدرها 50%تقريبا من طول الكورنيش لعمل الكشكشه يمكن اضافة كورنيش اخر فوق الكورنيش الاساسى ليصبح(بدورين) وبنفس الطول لكن بعرض اقل


كيس الخداديه
اما ان يكون مستطيل الشكل او بيضاوى حسب الرغبه وعادة ما يكون مقاسه 70 فى 50 سنتيمتر
اما كورنيش الخداديه فيكون بعرض 15 سنتيمتر وبطول الخداديه مضاف اليه 50% من الطول الاساسى لعمل الكشكشه
بعد تفصيل القماش نقوم بثنى وسرفلة القماش من جميع الجوانب لتجنب التنسيل
نقوم بتجميع وخياطة المفرش القماش
نقوم بتوزيع وحدات اللاسيه فوق المفرش القماش على الطبيعه حسب موديل الرسمه مع مراعاة ترك مسافة 10 سنتيمتر من جميع الجوانب كبرواز وبعدها نقوم بسراجة اللاسيه على القماش بعملية لفق حروف اللاسيه داير مايدور لتثبيتها على القماش



والله الموفق نسالكم الدعاء

شرح جميل ربنا يبارك فيكى سأحاول احمل مفرش سرير لبنتى وربنا يسهل

مدخلتيش ليه يا ناديه

عايزين اعمال جديدة من اعمالك الرائعة وشرحك الجميل