![][§][-~المتغـلية ~-][§][](https://cdn.hawaaworld.com/images/user_avatar.png){kind=avatar}
السلام عليكم
اغلبكم عارفين ماركة كريولان الالمانيه والاي شدو والاساس الي كثيييير انمدح هنا ولي عرفوه اشتاقوا يجربونه وبعد ماشفته عند الكوافيره شذى صممت ابيه
لكن للاسف مالقيته بالرياض في كل مراكز التسوق الكبيره ولا بين الماركات المشهوره
وبعد السؤال والتحري من بنوتات حواء قالوا لي يمكن تلاقينه في مركز فانتيل النسائي بالرياض
وفعلا رحت ولقيت محل ميك اب بدور الثاني
قالت تفضلي طبعا عندنا هالماركه وحنا الوحيدين الي محتكرينها بالرياض
المهم مابي اطول باختصر < بختصر في قاموسي يعني الله يعينكم :D
بعد مافرفرتني في كل اغراض المحل اخترت لون زيتي من الشدو المائي من كريولان طبعاا وشدو لمعه وشدو مائي ثاني تركواز لونه يخبل وروج برضو من نفس الماركه لونه بلاتين
ووو اساس طبعاا بعد ماشفته عند شذى عجبني وباس
للحين تمام بس للاسف تضايقت من شي
اولا الروج (lip cliss ER) الي اخذته عطتني اياه قسم بالله في قرطاس بلاستك تعرفون العينات ابدا هذا هي استغربت قلت وين علبته :32:
قالت لا هو يجي كذا وهي تحوس بدرجها
سكت مشكلت حياتي اني استحي ولا احب اجادل ,, الزبده مستحيل احطه بشنطتي حتى يوم شفته من تحت واضح انه المفروض يتركب بعلبه بس الشكوى لله
المهم سعره 40 ريال
نجي للشدو التركواز المائي (AQUA COLOR) علبته غبيه هو الثاني زي العينات وربي بلاستك شفاف مدري كيف اوصفه ودي اصورها لكم :29:
سعره 45 ريال
نجي للشدو الزيتي المائي ( برضو تدرون وش كاتبه في الفاتوره شدو زيتي وعلبه بـ60 ريال
يعني تصورو حسبت العلبه :confused:
ولا هو نفس التركواز تماااام بس هو حطته في علبه وحسبت سعرها ا ماجابت لي طاري ولا ادري وش قصه هالمكياج الي بدون علب وكنه عينات :07:
والشدو لستار باودر سعره 45 ريال بس بعلبه عاديه زي الي نخبرها من عرفنا الميك اب بس الظاهر اضطرت تحطه بعلبه لانه باودر :01:
والبست الي اخذته (ULTRA UNDER BASE) بـ 120 ريال
طبعا في قاروره عاديه زي الي نعرف بعد اشوى
والاساس (TV PAINT STICK) شكله زي الانبوب الي بالفر يطلع سعره 80 ريال
حبيت به الموضوع احيطكم علما واذكركم تخلون الخجل عند باب محلها ولا تاخذون شي الا بعلبته زي العالم والناس يعني مو زيي :(
وشي ثاني ابي الي يعرفون هالماركه يقولون لنا هل هذي اسعارها عاديه يعني ولا بعد لاعبين علينا لانهم محتكرينها على قولتها وهل كذا علبها زي العينات ولا وش القصه
وسلامتكم جميعا ً
..
.
وبس حبيت اسأل عن مركز فانتيل وين مكانه بالرياض وشكوره اختي :27: