السلام عليكم
وحشتوني موت ربي مايحرمني منكم
الله يهون على كل الحوامل ..
انا بقولكم قصت ولادتي ياربي تكتب الاجر
اول شي انا طول الحمل تعبانه من الضغط مره نازل ومره مرتفع
وكمان الهيموغلوبين نازل وتعرفون كيف اذا نزل
الموهم .. من ثاني اسبوع في التاسع وانا في طلق وتعب لدرجه ماتتصورونها تغير شكلي تغير جذري من التعب
وسبحان الله يجي يوم الخميس يزيد التعب واروح الطواري يفحصون علي يقولون باقي 2 سانتي وارجع البيت :44:
وقالت لي اكيد ماراح تكملين اسبوع فرحت انه قرب الفرج ومر اسبوع والالم ماتغير بس ثقل غير طبيعي بس احس بنتي فوق مانزلت وامشي مشي يهد الحيل لاني ابيها طبيعي
وتزيد الحاله النفسيه على زوجي وبيتي وتركت النت والتلفزيون والاتصالات وكل شي كنت طفشانه وضايقه فيني الدنيا حتى نوم الليل ما انام وادعي ربي في كل مره باليسر والسهوله وماكان على لساني الا الاستغفار ..كان عندي احساس اني بموت في الولاده وهالاحساس طبيعي كل وحده تحس فيه من التعب
الموهم جاء الخميس الثاني واروح قالو 1 سانتي انصدمت لاني كنت تعبانه وارجع البيت :44:
جاء يوم الاثنين كنت حيل تعبانه تقريبا الساعه 12 الليل رحت ابوس اولادي واودعهم لاني متاكده رح اولد رحت المستشفى كشفت علي قالت الرحم مسكر انا هنا بكيت بكى يمكن بحياتي كلها ما بكيت كذااا خلاص ابي اولد .. قالت لازم مغذى وارفض واطلع على مسوليتي وانا ابكي...زوجي كان ينتظر بالسيارة وياقلبي عليه من كثر ما طولت نام بالسياره وانا افتح باب السياره وابكي يسالني ايش فيني وانا ازيد بالبكي هو اللحين يفكر فيني شي وكل ماسال ليه ابكي ازيد <<جننتو
رجعنا البيت واول ماشفت اولادي ضحكت تذكرت لما ودعتهم وانا ابكي واللحين رجعت لهم .. واتعوذت من ابليس واتوضىت واصليت الفجر ونمت ..............
جاء يوم الخميس الصباح قال زوجي وجهك مو طبيعي انتي تعبانه قلت تعب كل يوم قال لازم نروح مستشفى ثاني نتطمن انا رفضت خلاص كرهت اروح اكشف
وحاول فيني ووافقت وطلعنا الساعه 10 الصباح دخلت على الطبيبة وعملت سونار قالت المويه قليله وهذا خطر على الجنين..وانا اترجاه تعملي فحص وتحريض والدموع في عيوني قالت بشوف ولما كشفت قالت الرحم مفتوح 3 ونص انا هنا طرت من الفرح وقالت ان شاء الله 6 ساعات وانتي والده
وارجع البيت وانا فرحانه وادعي ربي بالفرج واليسر والسهوله واني اولد طبيعي
واحس الطلق بارد..طلعت العصر امشي تقريب ساعه ورجعت فيني دم خفيف والم بسيط ..جلست امشي في البيت وادعي واستغفر طول الوقت وعلى 8 ونص رحت المستشفى وكشفت قالت 3 انا هنا انصدمت :06:
كيف 3 والصبح 3 ونص وانا طول الوقت امشي واتذكر كلام الطبيبه 6 ساعات وانتي والده ياربي افرجها علي :44:
كشفت ثاني قالت عنق الرحم عندك طويل والبيبي لساتها فوق مانزلت في الحوض
قلت وش الحل قالت بعطيك ابره تقصر عنق الرحم << اول مره اسمع فيها
واخذ الابره وطلبت مني امشي قالت 4 ساعات وبكشف ثاني :09:
واحس الوقت يمشي بطئ وانا امشي وادعي واستغفر هذا اللي على لساني وشوي وانا بصالة المستشفى امشي انفجرت مويه مني وهــ, يالفشله استحيت من الموجودات المويه كانت قليله ماتجي كوب مويه عادي بس جاء بعدها الالم وماقدرت امشي وعلى طول على غرفة الولاده وكانت الساعه 10
اول مادخلت الغرفه طلبت ابرة الظهر لاني جسمي تعبان ما اقدر اولد طبيعي.. وعطوني هيه وجبت بنتي على الساعه 1 تمام
صح طلعت ضغنونه بس الحمد والشكر على ماعطاني ربي
الكل يعرف اني كنت اتمنى ولد اخو مع ولدي بس الحمدلله من شفت بنتي وراح هالاحساس وحمدت ربي على ماعطاني وهذي رابع بنوته عندي ويارب يرزقني بااخو لولدي
صدقوني كل وحده تتمنى ولد او بنت ويصير العكس من تولد يروح هالاحساس وتتغلب العاطفه والامومه على كل شي
الله يهون على كل الحوامل..ويرزقكم الذرية الصالحه
"ورد الجوري" @quotord_algoryquot
كبيرة محررات
هذا الموضوع مغلق.
السيده فانيلا
•
الحمد لله على سلامتك تتربى بعزكم ان شاء الله وعقبال ماتشوفينها عروس هي واخوانها ويرزقك برهم ويصير عند ولدك اخو
الحمدلله علي سلامتك ياقلبي
والله يقر عينك بها البنوتها ويجعلها رحمة ونورة وبركة لكم يارب
والعاقبة لنا يارب
ياربي هوووون علي وعلي كل حامل يارب
والله يقر عينك بها البنوتها ويجعلها رحمة ونورة وبركة لكم يارب
والعاقبة لنا يارب
ياربي هوووون علي وعلي كل حامل يارب
الصفحة الأخيرة