مساكم الله بالخير
قبل تقريبا ١٢ يوم نزلت موضوعي هذا
http://forum.hawaaworld.com/showthread.php?p=66237608#post66237608
وكنت قبل اتهرب من هالمستشفيات كله خوف من العملية وهذا اوقع واطلع على مسؤليتي وهذا اكذب عليهم وتاخرت عن الموعد المحدد بما يقارب شهر او اكثر
وبعد مانزلت الموضوع بيومين شفت الموية بدأت تنزل وانتم بكرامة وبعده بشوي بدأ الطلق لكن كان طلق بارد يروح ويجي واحيانا يقعد ٣ ساعات المهم لين صار العصر رحت لدكتوره داليا بمستوصف الفيحاء عشان تسوي لي تحريض لانها قالت لي اذا جاك الطلق تعالي اسوي لك تحريض المهم صار الرحم مفتوح ٢ونصف تقريبا سوت لي تحريض قالت وصل ٣سم
روحي اشربي زيت خروع وامشي
رجعت البيت وشربت الزيت ومشيت من الساعه ٦ ونصف تقريبا الى الساعه ٩ امشي شوي وارتاح شوي وبدأ الطلق يزيد كل ٥ دقايق تقريبا
رحت لمستشفى القصيم الوطني كانت الدكتوره المناوبة سمية السودانية بعد الكشف قالت انه ٤ سم
والغريب ان الممرضات يشوفون الجهاز ومنخرعين على بالهم اني واصله من قوة الطلق
المهم تنومت عندهم من الساعه ١٠ ونصف وبدأ الالام يزيد لين صارت الساعه ١ونصف خلاص احس اني وصلت حدي كنت انادي على الممرضات يقولون الدكتوره عندها ولاده كشفت ممرضه قالت ٥سم
امنا بالله كل هالالام و٥سم واجلس لين الساعه ٣وربع وكل شوي ضاغطه على الزر انادي الممرضات ابغى الدكتوره لاني خلاص بديت انتفض من الالام جت الدكتوره وكشفت قالت ٥سم تخيلوا ساعتين ولاسم
بس قالت ان الرحم متهيئ قلت الحمد لله
نقلوني على غرفة الولاده ومن الساعه ٣وربع لين ٥ الا ربع انفتح ٨ سم لكن للاسف ان الجنيين مانزل للحوض وكان فوق
حاولت الدكتوره لكني تعبت انا اكثر بديت اصارخ سوو لي عملية انذبحت من الالام وكانت تحاول وتلهيني
لين بدأ النبض يضعف
وبعدها على طول دخلوني غرفة العملياااااااات
والحمدلله على كل حال جبت ولد
وهذي قصة ولادتي وتجربتي بالقصيم الوطني
بصراحة الدكتوره ما قصرت لكن قدر الله وماشاء فعل
اسال الله ان يصلحه ويخليه لي ويرزقني بره وصلاحه
ويعافين يارب
الطموح المؤود @altmoh_almood
عضوة فعالة
يلزم عليك تسجيل الدخول أولًا لكتابة تعليق.
شيخة الحرووب
•
الحمدلله على السلامة ومبروك
الحمدلله على السلامة ومبروكالحمدلله على السلامة ومبروك
الله يسلمك ويبارك فيك
ماشاءالله تبارك الله مبروك والله ويجعله عبد بار ويصلحه ويخليك له ياربماشاءالله تبارك الله مبروك والله ويجعله عبد بار ويصلحه ويخليك له يارب
الله يبارك فيك ويجزاك خير
اميييييين يارب
اميييييين يارب
الصفحة الأخيرة