اخيرا يا ناس قدرت اشارك (((جبتلكم كل الوصفات لتبييض الحساسة))

يا ناااااااااااااااااااااااااااااااااااااااااااااااااااس
والله تعبت لي زمااااااااااااااان وانا ابغى ادخل المنتدى ضيعت كلمة المرور والمنتدى ما يبلغ بالبريد اووووووووووه
حسيت بالكاابة الله لا يحرمني منكم امين

اليوم طبعا انا مشكلتي مشكلة وهية انه انا بيضة والمستخبي الله لا يوريكم من برة الله الله ومن جوة يعلم الله

جربت كل الوصفات الطبيعية الطبيعي ما يسووووووووووووووي شي يا ناس افهمو اللي من تحت لونها اسود مو لو تحط ليمون شوية وتغسله لو تعمل جرة ليمون وتعيش جوتها ما يروح السواد
بس اللي عندها اغمقاق بسيط بني يروح بالوصفات ها فخمتو خبيباتي

انا لي 7 سنين جربت بلاوي ووصفات الدنيا فركت دعكت سلخت :icon33: ماااااااااااااااااااااافي شي ولا نص في المية

بس الوصفات الطبية غير انا بصراحة كنت من انصار الطبيعة دحين سرت من انصار الكيمياء والفيزياء :D

واخيييييييييييييرا يا بنات بديييييت احس اني ادمية وجسمي اللي كان بدلة عسكري مرقع بدا يصير موحد انا حقوللكم على البداية
وبعديييييييييييييييين بحط لستة طويييلة للوصفات اللي جمعتها من كل بحر قطرة واصحابها يقولو انهم جربوها وحتى لو ما جربوها انا خلاص بسويها
هي خاربة خاربة خلينا نعميييييييييها

بديت اول شي يوم شفت مواضيع دريم فور ابوضبي الله يسعدها يارب واول تقشير اسويه في حياتي البيبي فيس في وجهي اللي كان كله اثار حبوب وراحت ياربي لك الحمد والشكر

بعدين قلت يابنت ليش ما تلطخيه في فخوذك
وزاد شجعني اني في موقع اسمه بنان هو حق عيادات جلدية وحدة حطت كل المواضيع اللي تحذر من البيبي فيس للدكتور وقالتله ايش رايك الدكتور تتوقعو ايش قاللها
قاللها انا قريت التقارير الاصلية اللي بالانجليزي وهم يقولو نسبة مدري ايش هوة والله اني نسيت لا تقعدو تزعقو عليه اني بني ادم وبني ادم ينسى
المهم انه النسبة المصرح فيها مختلفة شي بسييييط لا يذكر عن اللي اساسا في البيبي فيس وقاللها انه ممكن يتعمل بس بحساب
ومو كثير يعني توصلي للنتيجة خلاص ستوب
قمت وانا همبرغراية ولطخته في فخوذي يومين ورا بعض ووقفت خفت المهم
فخوذي اتغيرت 50 في المية من تحت بس اللي فوق عند خط البيكيني خبركم هناك حساس مرررررة انسلخ مررررررة وحطيت فوسي كورت ومن هناك راح السواد نهائيا وهو اللي كان فحمة

انا دحين مو جاية اقوللكنم حطو البيبي فيس هناك لاااااااااااااااااااااااااااااااااااااااااااااااااااااااااااااااااااااااااااااااء
لانه ما يصلح انا سار فوق ابيض مررررررررة وتحت بشوية بني يعني مو حلة بس انا مبسوطة ريحة ابو علي ولا عدمه

الخلاصة واللب انه سرت من انصااااااااااار اللي ((((مو طبيعي ))))
وعلى قولة ماما والله لو اغسل بصابون مكة ياخلقة الله ما معي منك فكة خخخخخخخخخخخخخخخخخخخخخ
دحين انا بديت بوصفة قريتها هنا في المنتدى فيها الدوكين 4%مع الفاكورت امس بديت وبخلص واجرب شي ثاني
وراك وراك يا السواد الين اقضي عليك مالت عليك نكدت عيشتي وخربت حياتي والله لي 7 سنين متزوجة وربي انه زوجي ما شافني في النور ((((ايش هذا النكد؟؟؟يا لطيف)))

طبعا انا عارفة انه في ناس زيي او اسواء قمت جبت كككككككككككل الوصفات اللي عندي في الدفتر السري وبحطها هنا

بس لا تقولولي خطير انا يائسة وما في شي فاد معايا واذا في ناس مثلي خلهم يستفيدو معايا مو هية قدها خربانة خليها يا تصيب يا تخيب بس ان شاء الله تصيب


مستعدين















ما رح تهزؤوني











ترى ابكي وازعل :(









يللة دحين بحط الوصفات كل ابوها على بركة الله احسن خليها تتجمع في موضوع واحد بدال ما نقعد نسوي بحث ونتعب








وبعدين لمن يروح اللون الفحمي اللميع ويسير ابيض حلو نحط الطبيعي اللي انصمخنا فيه عشان يسير وردي :icon28:

1-وحدة قالت انها جربت ديرموفيت لمدة اسبوعين وتقول رهيييييب
2-كريم دارك اوي
3-جليسوليد+زيت الليمون+فيكس+بوهلي (ما قالت المقادير وتقول خلال اسبوعين النتيجة)
4-الفا بلاس
5-الدوكين4%+panderm(يخلط وقت الاستخدام)
6-الدوكين 4%+الفاكورت(جاري التجربة)
7-trio-d
8-كريم فيد وتقول اعطاها نتيجة من رابع يوم
9-وهذي الوصفة من منتدى ثاني وحدة عروسة عندها سواد وووو تطلب حل وفي وحدة ما شاء الله عندها خبرة باين عليها قالتها وصفات طبيعة من طقة زيت خروع وزيت زيتون وبعدين قالتهلها الوصفة اللي انا ابغاها خخخخخخخ تقوللها افضل تجربي الطبيعي اول واذا ما نفع سوي هذي




وهذة هي الوصفة...
المقادير
ملعقه صغيره اصغرملعقه في البيت حبذا ملعقة الشاي
الكريم الكوم ملعقتين(Elocom)
كريم الرتن ثلاث ملاعق (Retin-A)
كريم الدوكين فور اربع ملاعق (Eldoquin Forte)
كريم كيلي الاصلي على حسب الملعقه اللي تقيسي فيها لوكانت ملعقه الجلي حيكون كل العلبه اما اذا كان ملعقه الشاي فيكون نص العلبه
كريم الفا هيدروكسي ست ملاعق (Alpha HYDROX)
وتخلط جميع المقادير جيدا وتوضع في الثلاجه..واستخدميها في المساء..اوكي
وهذة اسم الصابونه..من عند العطار
الصابوونه الامريكيه
whitening soap
يعني مثلا تحطي هذا في الليل وتغسليها في الصباح بهذة الصابونة
اختي البعض ناسبهم والبعض ..وبما انك بنت افضل تستخدميه فقط في منطقة الأفخاذ واذا ناسبك خلاص ولو ما ناسبيك وقفية على طول اوكي
هذا كلام الحرمة لا تخاصمني انا كلموها هية انا بس انقل الكلام ((((نقالة كلامخخ)
10-كريم BYE BYE Belmish
11-الليمون+ السفيد اب


شوفوا يالغالياااات اول شي تروحون العطار وتاخذون اقراص السفيد اب مووو المطحوون اوكيه؟!!

وفي البيت تطحنونه وتخلونه عندكم بعلبة

وقبل النوم تجيبون ليمونه "ياريت لو صغيره عشان ماتنقط النعمة في الزبالة"
وتفركين بيها المنطقة المراد تفتيحهااا

وبعدين اتجيبين يا طويلة العمر السفيدآب "المطحووون" وتحطينه على المنطقة وتفركينه بس مو بالقوو

بعدين بتلاحظين طبقة مايله للبيج وبس

لاتغسلينها .. صبري الين ماتجف وبعدين كملي حياتج عااادي:-) ونااامي

والصبح غسليه وياريت اتحطينه مرتين ترى بس ينشف ماراح يمللج

ملاحظه: لو بشرتج حساسه وماتستحمل الليمون حطي بداله مـــــاي ورد ((هذي طبيعية بس حسيتها حلوة)

13-لازم صابونة للتفتيح مع الخلطات ومنها
صابونة البابايا – صابونة اكسترا ديرم للتفتيح – صابونة سكين وايت – صابون اللوز والعسل – صابون الخزامى ....الخ

14-لتفتيح الابط : ادهني بزيت الخروع 3 مرات كل يوم لمدة شهر.... / استعمال الليمون يوميا / مستحضر بيزلين لازالة الرائحة وتفتيح الابط / مستحضر اكسترا ديرم under arm cream /
15-للقضاء على المناطق شديدة الأسمرار>>>>>>>

كريم الدوكين فورت 4% للمساء

كريم سكن سكسس للصباح

صابونة سكن سكسس

طريقة الأستعمال>>>>>>>>>

تغسل المنطقة المراد تبييضها بالصابونة جيداً

ثم تجفف جيداًويوضع عليها الكريم


هذي الوصفات جبتها من المنتديات يا بنات يعن ما اعرف فيها شي اللهم جمعتها في ملفي ودفتري السحري لبدء الحرب على سواد الليل

12-

صح كلامك
وانا معاكي
هي خاربه خاربه ههههههههههههه

توتة لووووووووووووووووووونة شكرا على الرد يا قمر

وهذي الوصفة دوبي لقيتها في المنتدى بحطها هنا عشان بس اجمعها واللي تبغى المواضيع الاصلية تسوي بحث اوكي يا قمرات

16-مرهم رخيص جدا نظراً لاستخدامه كمطهر لدي الاطباء اسمه بيتادين واستخدمته وانا بصراحه مش مصدقه انه هايعمل حاجه لكن الحمد لله النتيجه كانت مفاجئة بالنسبه لي .

فلقد راح كل السواد بعد اسبوعين من الاستخدام مره واحده بالليل واصبحت المنطقه تفرق درجه واحده فقط في اللون عن لوني الطبيعي وانا بشرتي بيضاء ولكن الفرق كبير جدا ..


وهذا المرهم متوفر بالصيدليات استخدموه وادعوا لي ،،،، ولا زيت ولا غيره وهو مستحضر طبي مضمون وبيعمل فقط علي قتل البكتيريا في هذه المنطقة وبعدها ترجع للونها الطبيعي باذن الله


انا حسيت بالمعاناة لاني جربتها فترة طويله لحد ما هداني تفكيري الي ان اذهب الي الطبيبه بعد ما جربت كل شئ يمكن ان تصفه الصيدليات .

وبس طبعا اهم شئ الصبر وبعد مرور اول اسبوع بتلحظوا النتائج انا وصفته لكل قريباتي وانبهروا بالنتيجه ..

وان شاء الله تستفيدوا .

والله بشرتنا ماينفع معها الطيب
لازم كريمات وبلاوي
استمري اختي
الله يجزاتس الجنه