:: اخيررررااا للشعر الناعم بس المتكسر.. تقنية جديدة من لوريال ::

السلام عليكم ورحمة الله وبركاته..


بدخل في الموضوع على طووووووول.. انا شعري خفيف وناااعم وسايح بس اذا استشورته في الصالون..
لكن اذا استشورته في البيت دقايق وينفش.. مع ان حبته وااايد ناعمه :( لكن الحمدلله على كل حال.. قضا احسن من قضا :D

وتقريبا يكون شعري نفس الصورة.. ويمكن الصورة ارحم بعد




وانا اتجول في موقع لوريال.. شفت هالخبر وقلت انقله لكم..

واشوف اذا التقنية هذي صارت تطبق في الصالونات عندنا.. ولا بعدها؟؟؟

التقنية اسمها .. x-tenso cera thermic
يعني ماتحتاجين الاستشوار بعدها.. تقريبا هي تمليس.. بس عشان يكون الشعر straight مب مكسر ومنفوش..

وشوفوا صورة البنت بعد ما استخدمت العلاج :D



(( الله يوعدنا )) :icon28:


والتقنية هذي لها عدة مستويات على حسب طلبج.. اذا تبين شعرج سييييييده نفس اليابانيات.. او اذا انتي تبينها يكون ناعم وطايح بشكل طبيعي.. او تبين يكون شعرج من فوق سيده ومن تحت كيرلي.. على حسب رغبتج..


بصراحة الخبر فرحني.. اخيررررررا حد افتكر بمشكلتنا.. بدل الجل والسبراي والخرابيط..

وياليت بنات اذا وحده فيكم جربتها تقول لنا.. وتفيدنا.. والله يجزيها كل خير :27: