لين طحت على هذي الحركة وجربت اسوي نفس ظل حاطه صوره اسرار 2020 للخبيرة منيرة منصور والحمد الله طلع رههههههههيب اسود سواد ماهو طبيعي
اول شيء حطيت كونسيلر ولا تستني على طول حطي اللون اللي تبغيه علشان يمسك اللون لا تخلي الكونسيلر ينشف
وبعدين جبت لون ذهبي لأن عندنا فرح يوم السبت ان شاء الله وبلبس ذهبي :)
انا عيني صغيرة وطبعا بين العين والحاجب مسافة صغيرة ماهو زي الممثلات والمطربات ماشاء الله مشوار بين عينهم وحاجبهم فيقدروا يكثروا الوان
حطيت الذهبي على كل الجفن ماعدا قريب العين يعني تقريبا على ثلثين العين وتحت الحاجب كله لون ذهبي ومسك مضبوط علشان الكونسيلر قبله لسى مانشف
وبعدين جبت الكحل الهاشمي لا تستغربوا شوفوا الطريقة انا فكيت من مكان مايأشر السهم شفتوا تحت وخليت اللون الأسود يبان قصيت كل الزوائد من العلبة حول اللون الاسود علشان مايعورني لما احطه وبعدين جبت الولاعة ومررتها عليه علشان يطرى خليته ثانية كذا علشان يطرى ومايكون حار ويسلخ عيني وحطيت على جفني في المكان اللي ماحطيت فيه ظل ذهبي يعني فوق الرموش بالضبط وما طلعت لفوق كثير يعني مقدار اصباع وقعدت اكرر واحط واوصل للزاوية الداخلية من العين بس ومن الزاوية الخارجية للعين ماخليته يخرج عن حدود الحاجب
طيب كذا ان شاء الله ما يكون صعب
بعدين جبت فرشاة صغيرة ووزعت بها اللون الاسود وحطيته من نفس الكحل الهاشمي بس اللي يجي زي الفانوس لأن اللي جوى بودرة سسسسسسسسسسسسوداء
بعدين حطيت شوي جليتر ومايحتاج ترسمي بالاي لينر
وتحت العين بنفس الفرشة الصغيرة حطيت اللون الاسود ورسمت جوى العين بقلم كحل اسود
ولو تبغوا جوى العين ابيض كحلوا بقلم ابيض من البودي شوب فضيع وفي الزاوية الداخلية للعين بس من مكن ماينزل الدموع:) حطوا ظل ابيض
طلع يعني السواد زي هذي الصورة
بس طبع الظل يبغى لك تتفنني حسب ماتعرفي
ان شاء الله تجربوها وتشوفوا:)
