السلام عليكم ورحمة الله وبركاته
إنَّ أعظمَ الأعمالِ، وأجلَّ الطاعاتِ وأحبَّها إلى ذي الجلال والإكرام ذِكْرُ اللهِ -تعالى-، ولا سيّما بالكلماتِ الأربعِ التي هي أحبُّ الكلامِ إلى اللهِ، جاء في "صحيح مسلم" مِن حديثِ سمُرةَ بن جُنْدبٍ -رضي الله عنه- أنَّ النبيَ صلى الله عليه وسلم قال: ((أحبُّ الكلامِ إلى اللهِ أربعٌ، لا يضُرُّكَ بأيهنَّ بدأتَ : سبحانَ اللهِ، والحمدُ للهِ، ولا إله إلا اللهُ، واللهُ أكبر)).
:26::26::26::26::26::26::26::26::26::26:
هذا الموضوع من زمان كان ودي اكتبه لكن انشغلت كثير الله لايشغلنا الا بطاعته,والحمدلله اليوم حسيت اني شوي نشيطه وتذكرت الموضوع لما دخلت القسم وشفت موضوع عن الكحل وان الكل يحلم باللون الاسود الفاحم والثابت ..انا كنت نفسكم لين جاء يوم زواج حماي وكانت الكوفيره تزينا انا وحماتي ومرت عمي وحماتي من النوع الدقيق وتحب المكياج فكانت تسئل الكوفيره عن كل شي وطبعا الكوفيره تجاوب بحذر وماتعطيها كل شي انا شفت كحل حماتي الي رسمته الكوفيره عجبني لونها اسود حيل صرت ادقق واشوف كيف ترسم وين كحلها طبعا توقعت تطلع كحل سايل,لكن الي شفته علبه ظل لون واحد اسود تاخذ الفرشاة تحط فيها شوي ماي وتحط من الظل وترسم ونتيجه كحل اسود فاحم وثااابت والله كان الجو حااار ورطوبه عندنا رحت للعرس ورجعت مكياجي كله ثابت حتى كريم الاساس حقها لكن للاسف ماقدرت اعرف شنو لانها حاطتها بعلبه غير وباين انها مسوي خلطة كريمات خاصه لها...
المهم انا لما سيرت على اهلي سئلتهم عن كحلي في الزواج مدحوه قالو اسود حيل وعلمت اهلي والظل الي كانت تاخذ منه موماركه عادي تلقينه ب اي محل بس اهم شي خذي ريشه حقت رسم الكحل نفس الي تجي مع الكحل الكريمي..طبعا انا جربتها في عزيمه نفس طريقتها احط ريشه في الماي واحركه شوي في الظل وارسم حسيت الرسم اسهل من الكحل السايل ..ولون كان مرا اسود وخلصت العزيمه والكحل ثابت لاساح ولاتبهذل الحمدلله
يعني مايحتاج ندور كحل ماركه لاني شريت بالهبل وباسعار مختلفه ماحصلت نفس النتيجه ..ولو تلاحظين الكوفيرات يستخدمون الماي لما يحطون الظل لان الماي يثبت الظل ويطلع لونه ..
اتمنى انكم تجربون وتستفيدون.
ولاتنسون اختكم بدعوة في ظهر الغيب ان ربي يرزقني وكل مسلمة محرومه بالذريه الطيبه الصالحه :(
روحي شرقيه @rohy_shrkyh
عضوة فعالة
اخيرن قررت اكتب موضوع من زمان ودي اكتبه عن سر سواد الكحل الي يتميزون فيه الكوفيرات!
66
8K
يلزم عليك تسجيل الدخول أولًا لكتابة تعليق.
ليووووووووونه
•
الله يجزاك خير ويرزقك الذرية الصالحه وكل من يتمنى
الصفحة الأخيرة