اخيييراااا قررت اااخذ رايكم فلا تبخلون علي

السلام عليكم
وش اخباركم بنات حواء ياحبي لكم لا خلا ولا عدم ان شالله
بنااات بعد تفكير قررت ااخذ مشورتكم واكتب لكم شي عن حيااتي
قدر الله لي ان اكون زوجه ثاانيه على الرغم اني لست مقتنعه لكم قدر الله وماشاء فعل المهم اول ماخطبني زوجي شرطت عليه بيت لوحدي ووافق على الشرط وعلى فكره ترا هو مايقرب لي بالمره يعني هو من الرياض وانا من شمال المملكه وجيت وسكنت الرياض معه بعد الزواج قالي انه بيعزل البيت واسكن تحت وزوجته الاولى فوق وبيسوي تعديلات بحيث ان البيت يصير مستقل بالمره ووافقت بس يوم سكنت مااسوى ولا شي ورضخت للواقع وحصلت مشاكل واصريت اني اطلع وواستاجر لي شقه وجلست فيها تقريبا 6 اشهر وبعدين قالي ان البيت فاضي تحت وكيف يدفع ايجار وعنده بيت ملك واقنعني ورجعت للبيت مره ثاانيه وماسوى فيه شي بعد فتره قالي ابجيب امي وابوي عنددي بالبيت هم كبار سن وهم يسكنون خارج الرياض وماعندهم احد وبصرااحه ماقدرت ارفض لانه هو الكبير وبنفس الوقت قلت يابنت ساعديه على البر باهله وانا بطبعي احب شغل البيت واحب اهتم باطفالي واكره الشغالات ماحبهم يدخلون بيتي وبعد ماسكنوا عندي انقلب البيت والنظام فوق حدر اظطرينا نجيب شغاله وصار بيتنا مهيء للضيوف عشاان يزورونهم وبالاضافه الى اولاده كل شوي ينزلون بحجه انهم بيشوفون اجدادهم وخالتي صارت تتدخل بكل شي ولازم تعرف كل شي وتغير نظام اكلنا وصار بيتي مسرح وضااق علينا بزياده ومافيه استقلاليه بالمره انا مااكره خالتي وعمي والله اني احبهم والله يرحم ظعفهم وللامانه هم يحبوني وانا احبهم وماابين لهم اني متضاايقه من وضع البيت لكن كل هذاا على حسااب راحتي وراحه اطفالي وزوجته الاولى ماتدري عن شي كل شي بوجهي وزوجه ولدهاا الثانيه تجي للبيتي ماتسلم علي عشاني زوجه ثاانيه والمشكله كل يوم يجي زوجها يتعشى عندنا واذا جت الكل يقوم لها كانها اميره ماايحسسونها بغلطها وانا احس اني مقهوره من وضعي وداايم اقارن بيني وبينهن ليش انا اللي اتحمل المسؤليه وغيري لا
اه يابنات والله تعبانه وبالعطله ابسافر وافكر اقول لزوجي ماني راجعه من عند اهلي الا ببيت لحالي بنات وش رايكم اسويهااا او اخسره ويروح صبري طول مده 3 سنوات ومااستفيد شي انا ماابغى اتردى معهم عند اخرته
ورجااااء ياابنات لاتجي وحده تقول انتي تبين تحرمينهم من ولدهم انا يشهد الله علاقتي زينه معهم بالمره عشاان خاايفه من العقوبه بعيالي بس من حقي اسكن لوحدي يعني مااابينا مشاكل بالمره الحمدلله اجااملهم بكل شي لدرجه ان خالتي تعطي عياالي على الفطور حلويات اصطنااعيه وفشافيش وماااقول شي لاني ماابغى اجرحهاا ياليت تدلوني وش اسوي
معليش طولت بس عشاان الصوره تصير وااضحه