اخيييييييييييرا اكتب قصه ولادة {بدر}

الحمد لله على تمام النعمه واكتمال المنه ..........هذا شعوري الان وانا قاعده اكتب أحداث ولادتي في تاريخ 18 رمضان ........... وهذي التفاصيل

اعتبر قصه ولادتي بدت من آخر الثامن يوم قريت بالمنتدى ان مستوصف شعاع يسوي اشعه رباعيه بمبلغ مناسب............اعجبتني الفكره ........... وطيران على المستوصف اسويها ............على بالي اوفر على نفسي:09:........لاني كنت اراجع عند جهتين المملكه والحبيب وكلهم غالين وانا على حسابي ..........المهم
اول ماشافت الدكتوره الاشعه على طول صدمتني بان المشيمه ناااااااااااشفه ويادوب تكمل اسابيع قليله وماتطمن ولا اعطتني الشريط لانه مابين الوجه في التصوير.......{ وحكايه المشيمه يعرفونها بنات ملف رمضان وحومت كبودهم فيها }........طبعا النفسيه من يومها اندمرت وبدال ما اوفر على نفسي اضطريت اعيد الاشعه في كل جهه وكل ناس يعطوني راي شكل بس للامانه اشعه المملكه احذروا منها........لانها طلعت الوضع تمممممماااااااااااام ولا بينت شي

وقعدت كل ثلاث ايام اسوي تخطيط للجنين او اشعه صوتيه لهذا السبب

يوم قربت اكمل الاسبوع الاربعين وتقرر لي الدكتوره اللي في المملكه قيصري

ليه طيب؟؟؟؟؟؟؟؟

الاشعه عندكم مابين فيها أي مشكله
قالت: انا ما اضمن اخصائيات الاشعه اللي عندنا ..ودام وزنه زين خلاص اولدي........وهذي حطوا تحتها خط يابنااااااااات

قلت بخاطري وانا ما اضمن اولد عندكم.........اسبابهم مهي مقنعه


المهم طلعت منهم وحطيت رجليييييييييي للحبيب


وكملت على نفس الوضع وماغير يدي على بطني
لانهم يقولون راقبي حركة البيبي طوووووووووووول التاسع وانا على هالحااااااله:angry:

حتى جاء موعد الولاده

اعطتني الدكتوره فرصه اكمل الاسبوع ........وكثري مشي.......وكثري من اللي بالي بالك.........
وانا منهاااااااااره بس اتصبر وادعي وارجع اتماسك
وتساعدني صلاة التراويح بهالوضع
وانتهت الفرصه وماولدت واروح للدكتوره واول ما شافت رقعه وجهي قالت: وش نسوي بك هالحييييييييين ؟؟؟
وتقيس وتلقى الرحم مسكككككككككككر تماما سبحان الله وعنق الرحم سميك
قالت :مافيه حل الا القيصري لان عندك سكر ومشيمتك من الدرجه الثالثه وكملت اربعين اسبوع:icon33:

قلت توكلي على الله وكانت الساعه 12 بالليل في 17 رمضان
واطلع منها وانا ماخذه اوراق الدخول 9 صباحا من بكره للمستشفى وارجع للبيت واشوف عيالي واقول لهم مو لازم تنامون بدري بكره مافيه مدرسه ويقعدون ينططون من الفرحه مايدرون وش السالفه(ابوهم مراح يقدر يوديهم لانه بيصير مشغول معي بالمستشفى )


جلست استعد للعمليه وانا في بيتي واتاكد من تجهيز شنطتي خصوصا المره والحلتيته وازيد من ارواب الاستقبال في الشنطه (الدعوه مطوله لانها قيصريه ):42:

واقعد اقرا قرآن طول هذيك الليله ولا نمت ابدا وانا معاهده نفسي اني اختم قبل
الدخول للعمليه
وجاء الصبح واتروش واستشور شعري واصحي زوجي واودع عيالي.....وهم نايمين واقرى عليهم واحصنهم واتوكل على الله واطلع

دخلنا من باب الطواري يوم شافو الممرضات كرشتي وانا امشي عااادي يقولون فيه دم ولا مويا؟؟؟؟؟؟؟

قلنا لا فيه عمليه

ودخلنا الغرفه وعلى طول جوني وغيروا لي الملابس وانا اقرا سوره الناس........ختمت في هاللحظه الحمدلله

سووا لي تخطيط وحلقوا بطني رغم ان مافيه شي

وسألتهم عن القسطره لاني شايله همها قالوا لي بعدين في العمليات قلت احسن
وبعدين نقلوني على غرفه العمليات وغطوني في الطريق بشرشف السرير.....حسيت اني جثه وما اسمع الا قربعتهم والقلب يردع حتى وصلت الغرفه وحولوني على سرير يااااابس ونحيييف

واشوف بالسقف مرايه مبينه منظري يروع وشبكوا فيني اسلاك شكلها للقلب والضغط وحطت وحده مصريه الكمام علي وقالت كده كويس ولا مضايقك وعدلته زين على خشمي وقلت لها كذا زين......وبعدين رحت فيها

صحيت على وجه زوجي:arb: الله يخليه لي وهو يحاول يصحيني وانا اسأله عن الولد واغيب عن الوعي
حسيت بمكان الجرح بالم فظيع وصرت اطلب مسكن
اعطوني وخف شوي لكن لازال فيه انواع الآلاااااام
مع اني مجربه العمليه بس المره هذي كانت اصعب مدري ليه
طلعت الغرفه وبدا زوجي يبشر ويعلم اهلنا وامهاتنا
وقعدت تعبانه لحد ثاااااااني يوم من الغازات اللي قطعتني:09:
وفي ثالث يوم الحمد لله بديت اتحسن وساعدني المشيييييييييي كثير على التخلص من الغازات والحقنه الشرجيه اللي اعطوني اياها صباح ثالث يوم
وبكذا اكون ودعت الولاده الطبيعي لان هذي ثاني قيصريه


والحمد لله على السلامه والنعمه وشوفه بدر تسوى الدنيا ومافيها:icon28:

مايستفاد من قصتي:
-المحفزات جربتها كلها وماسوت لي شي
-المتابعه ضروريه جدا في الاشهر الاخيره
-التشخيص المهم والمصيري حاولي يشترك فيه اكثر من طبيب
-الدعاء والاستغفار يريحك ويسهل عليك الامور
-المشي بعد العمليه جدا مفيد


والله يهون على كل حااااااااااامل ياااااااااااارب