بصراحة إنسانة فاضية وجاحدة النعمة..
وايش يعني اذا زوجها اكبر ب8 سنوات سلامااات؟
عادي هالفرق وطبيعي يكون الرجال أكبر من المرة وين المشكلة؟ومو فرق كبير عشان نعذرها رغم ان مافيه عذر
ايش ذا العذر تتمنى بس ان الفرق 4 سنوات وانه زي اخو زوجها؟!!!!
الله ياذ المصيبة
وبعدين زوجها تقولين عنده مميزات
بس هي تحب اخو زوجها وسلامتش
مافيه تفسير الا كذا
راحت تتمنى الي عند غيرها
وتتحجج ان زوجها دارس برا وعنده الاختلاط عادي
ياسلام طيب والي يسويه اخو زوجها وكلامه معها ومقابلته لها ،نفس الشيء يعني الاختلاط عنده عادي..
قوليلها من الاخر تسد الباب وبلاش لاصباح الخير ولا غيرها..
لانه واضح إن الموضوع مو ماشي في الطريق السليم ولا ايش التفسير انها تغار اذا سمعت ان زوجته حامل؟!!
والله بصراحة بعض الحريم من الفضاوة تبغى تطلعها مشكلة تتسلى فيها الله يثبت علينا العقل والدين

تنتبه لنفسها من خطوات الشيطان وهي بنعمة ممكن ربي يزليها باي لحظه تحمد ربها وتشكره عيالها طيبين وحياتها بصحه وخير تحذف رقمه اذا احتاجت وان شاء الله ماتحتاج لاحد غير ربها جواله موجود بجوال زوجها او تكلم زوجته..لاحول ولاقوة الا بالله العلي العظيم..انتبهيييييي يااختي النفس ضعيفه مره انتبهي ولا تعطين الموضوع ذرة من تفكيرك فكري بزوجك وعيالك وربك وبس الله يستر عليك ويوفقك

كل هذا ومهو شغلها الشاغل ...؟؟؟


خل تنتبه على نفسها وتترك هالتصرفات الصبيانية ... أخو زوجها مابينفعها ولا سائل فيها لو زوجها قلب عليها..


أعوذ بالله من هالحركات..

والله مندهشه من اللي قاعده اقراه ..
اولا .. بصراحه مووضوعها تااافه مرره مع احترامي لها ..مايستدعي انها تستشير رجال غريب على شي بسيط .. علشانها تغار على زوجها وانو دوامه عنده زميلات ومدري ايش ..وين المشكله الخطيره اللي تخليها تكلم رجال غريب علشان موضوع بينها وبين زوجها ..
خلاص من باب اولى تروح لزووجها وتناقشه بيناتهم بدون لاحد يتدخل .. شوفي رد زوجها لها قالها مو مشكله احذف كل شي .. بس فشلتينا مع اخوي ... يعني على طول سوا اللي تبيه .. ليش مو من البدايه تفاهمت مع زوجها وحلت المشكله بهدوء ...وزوجها نقد على تصرفها...
او تكلم امه او اخته اذا مره مالقت تجاوب معاه...
ولو كانت اخت زوجها اللي ترسلها وتسال عنها وتهديها .. كان قالت وش دخلها تتدخل فيني وبحياتي الخاصه .. وتلقينها متحفظه لابعد درجه على حياتها علشان ماحد يعرف شي من خوات زووجها ..طيب وليش هالرجال تكلمه ولا لان الشيطان زينه وزين طبايعه بعيونها ...
وبعدين مافكرت بالمسكينه زوجت اخو زوجها لو عرفت .. ماراح يضايقها هالشي ..
هي خليها تحط نفسها مكان هالزوجه .. لو عرفت ان سلفتها تكلم زوجها واتس وتشكيله وتستشيره والاخ قاعد يهديها ويرسلها كل يوم رسايل .. بالله اسألها وش شعوورها لو مر عليها نفس هالموقف بترضاها على نفسها ؟؟. .. او راح تعتبره قلة حيا ...؟؟
واذا هي مشكلتها انو تغار على زوجها .. ومدري ايش .. حتى هالمسكينه هي بعد مو زوجته وتغار عليه .. وتنتبه لاتدعي عليها ان الله يبليها ...




وبعدين هي تقول ان زوجها يدري عنها وعن اخوها ... وماقال شي لانه واثق فيهم ....
بس نست لاتقول لزوجها انها تغار على اخوه من زوجته لانها حامل ...
او تتمنى تشوفه بنفس الزياره معهم ...
او قاعده تفكر فيه وتقول ايه اكيد يكلم زووجته ويسولف معها ...
او تتمنى انو انت يازوجها نفس طبايع اخووك او سوالفه او ثرثرته .. او او او


تقدر تقوله هالكلاام كله...!!!؟
اكييد لا ماتقدر لانها عارفه ان هالشي غلللط .. خلاص مادام هالشي غلط لازم تلحق على نفسها .. وتحضر رقمه من واتسابها .. وتقطع علاقتها فيه نهائيا .. وتستغفر ربها ..
لان هالاشياء من وسواس الشيطان ....
والله لا سمح الله لو عرفت ان سلفتي تشكي لزوجي ويواسيها وبينهم رسايل لاني اوريها نجووم القايله هي وزووجي ... قال ايش استشير .. مابقى بهالدنيا غير هالرجال ...
لاتقبون علي وتقولون محترمه وهو محترم وان حتى ازواجهم يدرون ومن هالخرابيط عارفه .
بس بدايه كل حريقه شراره ...
وخطوه تجر خطوه ..
والله يوفق الجميع ..

..