اخ زوجي فقير النفس مو مال

السلام عليكم
ابي اعرف كيف اتصرف مع اخ زوجي وزجته
بالبدايه ابي اعلمكم ان زوجة اخ زوجي طيووبه ومالها ذنب
احنا ساكنين بنفس العماره وشققنا مقابلين بعض
اول اذيه مو عارفه اتصرف معاها (الزباله ) مايرميها وهو طالع او نازل معاه لا يرميها على فتحت بابنا وينزل يعني انتو الي نزلوها معاكم مو مشكله عادي بس احيانا يصير احنا تونا رامينها ومنضفين فتحت الباب يجي يرمي زبالته يمنا
ثانيا مايشتري صابون ملابس دايم يرسل زوجته تقضي من عندنا صابون انا قلت يلا يمكن بس هالمره يبي والله اني عطيتها ١٠ كراتين ورجعت تطلبنا صابون مو عدله
والحين الدنيا يالله تقضي حاجتك انت وعيالك
وعلى فكره اهو الاخ الكبير وحنا العيالنا اكثر من اعيالهم اهم عندهم ٣ وكبار اصغر واحد في سادس الله يحفظهم لهم وانا اعيالي ٥ اطفال اكبر واحد في رابع ابتدائي
ثالث شيء الماء ادري بتقولون ناس تحط ماي سبيل وكذا وكذا
بس انا شاريه كرتون غراش حق ولدي الرضيع بس لانه حساس انا والله ما اشرب من هالغراش اقول ياظوب يكفي لولدي وهو يجي يضرب الباب ويقول عطوني ٥ غراش ولا اقدر ارد استغفر الله ودي اقول رح البقاله واشتر لك بس استحي وماقدر ارد


انا زوجي دوامه شفتين يعني يادوبه ياكل وينام


وهو ماشاء الله من استراحه الى استراحه الى الفجر ولايروح دوامه الا الساعه ١٠ لانه مدير ودوامه شفت واحد


وزوجته كثير متلعوزه معاه الله يساعدها عليه


انا كيف اتصرف


والله قال لاترد السائل اذا سئلك
بس والله اذا عطيتهم ان ينقصني يجي اخر الشهر حيل احتاج صابون اغسل فيه ملابس اعيالي وماي اشربه مانشوف




والحين يشاركوني بغسالتي لهم شهرين وشكل اخو زوحي مو ناوي يشتري لزوجته واعياله غساله
والله اني اجاملهم واعطيهم على حساب سعادتي احس اني طفشت اخاف من رنه الباب اقول ياربي الحين ها شيبون شبياخذون مني انا ابروحي ابي من يقضي لي حاجه
وزوجي الحين قاعد يبني يعني والله حالتنا حاله


واخو زوجي عنده بيت مأجره يعني ميسوره حالته استغفر الله ياربي مابي اقارن ولا اطالع احد بس مابيه يعتمد علينا حتى اعياله مايوديهم مدارس مخليه على اخوه






بودي اقول حق زوجته مابي اعطيك عشان يضطر زوجك يجيب لك ولايعتمد ويخليك دايم تسئلينا بس استحي