اخ على عياااااااااااااالي

السلام عليكم ورحمه الله وبركاته حبيباتي بنات حواء انا اليوم جدا حزينه والله ماادري ايش اكتب السالفه اليوم جانا واحد من قرايب زوجي وتقهوه وقاله زوجي روح وهات زوجتك وعيالك وسهرو عندنا وبعدين راح الرجال علشان يجيب اهله المهم رحت انا استعد والبس عيالي وكانو مبسوطين ياعمري عليهم احنا ياطويلات العمر ماعندنا قرايب ولاناس اروحلهم ونجيهم يعني كاننا في غربه وعيالي ماصدقو ان في اطفال بيجونهم وانا قاعده احلفلهم ان بيجون يلا البسو بس وجهزت القهوه والشاي حق الحرمه والحلا والعصير وقعدنا نستى ونستنى وبنتي كل شوي ياماما اخاف شعري يخرب الناس تاخرو وبعدين كانت الصدمه :icon33: جاء الرجال وقال والله الاهل معزومين ياويلي انا ذيك اللحظه ماادري ايش اقول لعيالي والله قلتلهم وانامخنوقه خلاص مافي احد بيجي والله بنتي نامت وهي تبكي تقول كل يوم ماعندنا احد ايش الحل مع الوحده شوي وبموت من الوحده انا وعيالي ملينا وزهقنا الله يعين على هذي الحياه ايش الحل مع حالتناالي زي كذا لاتقولن اطلعي وتمشي انادائما اطلع بس ينقصنا ناس اوادم اروحلهم ونجيم مليت من الحياه هذي :44::44::44::icon33::icon33::icon33: