روحي له نفسه وقولي له يغيرها ويغيرها ولاتدفعين ولاوريال زياده

ياليت تذكرين اسم الدكتور جزاك الله خييييييييييييير

الدكتور الشاطر يطلعها لك طبيعيه

بنت عمي ملبسه الاماميه واللي يشوفها مايصدق تلبيسه وامي الحين بتلبسها

يعني حسب الدكتور

يوة ليش 2000 ريال انا كان في اسناني الاماميه جير وحاول الدكتور يشيله ماطلع معه وبعدين لبس اسناني 2 ب150 ريال قبل 6 سنوات ليش تروحين مكان غالي روحي عياده اسنان عاديه وهو كله اسنان

اختي انا اول مره كان عندي فقط سوسه لونها ابيض مو ابيض زي الصفار كذا فوق السن كانها بقايا اكل >>>>>>> شوفي الوصف

والحمد لله على النعمه واتلقف واروح لعياده الدكتور خالد قباني قلت وش هذي اللي فوق السن مو ناخره جوا فقط فوق قال ووووو لللللوووولاا وو قوم يلج فوق راسي هذي مدري ايش هذا مشكله لازم تلبسين وانا اقسم بالله فقط شوي ولا تجي نفرتين براس القلم بس اللقافه

قلت تم نلبس ومامنها خوف قال ابدا وياخيتي يحك سني لما فكني قال بركب موقف لحد ماتجي بعد يومين اركب الجديد قمت من قو التبعطز عندي قلت لا عادي خله بدون موقت اصبر يومين واجيك

ولما طالعت في المرايه بغيت انهبل يومه سن ارنب حاكه عساه للمرض حك ماعاد بقى منه شي انا مادريت انا التلبيس كذا حسبالي بيلبس فقط الطبقه الفوقيه مو السن كله ولا سني اللبني

اللمهم مالك بالطويله لما جيت بعد يومين وركبته اعوذ بالله كنه سن حماااااااااااااااااااار مثل ماقلتي فمي مايسكر من طرفه واحسه بارز ولما اتحسس اسناني من برا الاقيه شاطح وانهار نفسيا
وارجع له قال اغير التلبيسه بسعر جديد وقام يهذر معي عاد انا كرهته

واروح للسن المميز لدكتوره فلبينيه وابكي عندها قلت هذا وشو قاله عادي اغيره لك 900 ريال واحط تحت التلبيسه برسلان لانه الدكتور الوسخ حاط لي معدن ولونه اسود ومسود لثتي قلت تم وتجيب لي سنين صغير وش حليله كانه اسناني

واحررررررررررم اروح لدكتور سوري في حياتي خلااااااااااااااااااااااااص والله ماكنت انام اطالع في المرايه واصيح اول سن ارنب محكك وتالي سن حمار طاير
والحمد لله على كل حال

مالك الا تلبسين من جديد اختي والله يعينك