ادخال الطعام للاطفال ارجو من ذوات الخبره يساعدوني

هلا حبيبتي...

ماعليك من كلام الدكتور ..ترى ماعندهم سالفه هالدكاتره هالايام (مع احترامي للبعض منهم)

وكلي بنتك الفواكه والخضره بعد ماتهرسينها اما السيريلاك فبعد الشهر السادس...

انا من الشهر الرابع بديت اوكلها الاطعمه المهروسه الجاهزة..الفواكه والخضره)واشربها العصاير الجاهزة المخصصه لهم وتلقين مكتوب عالعلبه كل عمر وااكله ...وكلي بنتك وتوكلي على الله

تحياتي

ما عليج من كلامهم كلنا كبرنا مع الأكل ولا صار فينا شي


الحين شوي شوي ابدي معاه في بسكوت فارليز أول اسبوع ربع بسكوته وزيدي الكمية كل اسبوع الى ان توصلي بسكوته كامله

بعد اول اسبوع من الفارليز دخلي لها رز مطحون وكل يومين حطي نوع من الخضرة
يعني اول مره رز بروحه وبعد يومين ضيفي جزر وبعد يومين حطي رز وجزر وبطاط وبعدين كوسا وبعدين يقطين وبعدين سبانخ حتى تصبح وجبه كاملة تتكون من (رز وبطاط وجزر وكوسا ويقطين وسبانخ) وعطيه كل يوم هالوجبة لفترة الغدا

وخليها اسبوعين عطيها هالوجبتين وجبة الرز مع الخضار والوجبة الثانية البسكوت بعدين تقدرين تشيلين البسكوت وتقسمينها على رضعتين كل نص برضعه أول رضعه الصبح وثاني رضعه قبل النوم

بعدين ابدي بالفواكه كل يومين نوع واحد أول شي ابدي بالكمثرى وبعدين التفاح وبعدين الموز وسويه دايما فرش وبنفس الوقت اكليه لا تغلينه لأن تروح فايدته حطيه بجهاز الخلاط مع شوية حليب البيبي واكليه يعني ما يدش شهره السادس الا تضيفين له السيريلاك وكبدة الدجاج وشوي شوي يتعلم على الأكل صدقيني حتى راح تشوفينه يتولع بالأكل أكثر من الحليب وعن تجربه

اختي قطوتي بصراحه عجبتني طريقتج في اطعام البيبي....

بغيت اسالج... الفارليز تعطينه للبيبي مخلوط مع الحليب في المرضعه او تعطينه الفارليز مع اضافة ماء؟؟

ثانيا:: الرز هل تفضلينه يكون رز مصري او الرز البسمتي العادي؟؟
ثالثا:: الفواكه تحطينها بجهاز الخلاط الخاص بالاطفال ولا الخلاط العادي اللي نستخدمه للعصاير...لانه خلاط البيبي مع الخلط تتكون حبوب مايكون مهروس كامل..
رابعا:: اي حليب اطفال تحطينه مع الفواكه؟
خامسا: كبدة الدجاج كيف تسوينها؟؟ وهل تهرسينها بعدين؟؟

ام سلمى
مشكووووووووووره اختي ما قصرتي بس ليه ما ااكلها سيريلاك يعني مهوب زين ؟؟ لاني بديت فيه فعلا

قطوتك
البسكويت هذا الاقيه عندنا بالسعوديه؟؟ و هل قصدك اذوبه بحليب و الا شلون؟؟
و الرز يكون بدون ملح و لا اي اضافات؟؟و الكميه اللي اعطيها لها ؟؟ هل ابدأ بملعقتين و بعدين لين اوصل لكم المشكله ما ادري وش الكميه اللي تكفيها او لين احس انها ما عاد تبي و الا شلون؟؟ و هل استغني عن الرضعه اللي بهالوقت و الا اعطيها كميه اقل؟؟

(والوجبة الثانية البسكوت بعدين تقدرين تشيلين البسكوت وتقسمينها على رضعتين كل نص برضعه أول رضعه الصبح وثاني رضعه قبل النوم)
قصدك اذوب النص في رضعتها صح
الفواكهه هل احطها بقشرها و الا اقشرها؟؟
يعني السيريلاك لها مضار بهالوقت؟؟
كبدة الدجاج عشان الحديد بس احس ان شيء انا ما اتقبله ما اقدر اعطيه بنتي بس اذا من تجربتك تشوفينه مفيد احاول
و الله ما قصرتي كفيتي ووفيتي الف الف شكر لك

هلا حبيبتي...

لو تقرين على علبه السيريلاك تلقين جدول منظم بالاشهر لاطعام الطفل...حتى الحين طلع سيريلاك بالفواكه وبالتمر وبالارز ..انواع كثيره وكل نوع له عمر معين ويكون مكتوب على العلبه ..اقريها واتبعي التعليمات ...ترى الامر سهل لاتعقدينها عشان ماتعقد...انا احيان اغط الروتي بالحليب واهرسه وااعطيه لبنتي مع انه مو مكتوب لها ..عادي مافيها شئ ..اهم شئ لاتخبصين الاكل عليها عشان ماتتعب معدتها ..يعني شوي شوي ولاتكثرين الاكل ..اهم حاجه الحليب..
تحياتي