ادخاو الله يجزاكم خيرآ...

الأسرة والمجتمع

السلام عليكم..

خواتي أنا مره متضايقة مو مصدقة أني راح أتطلق لاحول ولاقوة ألا بالله العلي العظيم:44:أبغى أقنع نفسي أنه خلااااااااااااص لازم أنساه وهو مايبغاني ليش أنا أبيه ومتضايقة بايعني لازم أبيعه قبل كنت أنسانه متفالة وإيماني بالله قوي ومايهزني شيء الحين :09:متشائمه وضعيفه وكارهه الدينا أستغفر الله العظيم وأفكر بالموت والأنتحار وكأبه مايعلم بي ألا ربي اللهم أجرني في مصيبتي وأخلف لي خيرآ منها
مع أني كنت مظلومه بحياتي معه وتعذبت لكن مابي أتطلق ويقولون مطلقة بس أقول خليهم يقولون اللي يقولون أهم شيء أرتاح يقولون مطلقة أحسن من متزوجه ومتعذبه الحمدلله على كل حال..

وساويس تجيني أعوذ بالله من الشيطان تقولي أنتي ناقصة لو مو ناقصة ماتطلقتي شوفي فلانه وعلانه متزوجت وماسمعت عنهم أنه راح ينفصلوا ومبسوطات وجابوا أطفال لكن أنتي غبيه :(أحاول أتجنب هالأفكار لكن بعد شوي أضعف وأبكي وأكره نفسي وأحس خلاص مهما أسوي ماراح أصير زي قبل قبل ماأتزوج:icon33:..

والله العظيم أنا ماأذكر أني أستهزاء بأحد أو حسدت أحد بالعكس كنت أتمنى للكل الخير بس والله مره دعيت على وحدة كانت دايم تضايقني ودعيت عليها قلت أن شاء الله مايمر أسبوع ألا وأنتي متطلقة وصار له مشاكل وتطلقت وأنا من أول أسبوع مشاكل وتعبت وصار لي أشياء كثيرة الله لايعيدها من أيام بس كأنها رجعت لي الدعوة بس والله أنها كانت تغلط علي لكني والله ندمت أني دعيت عليها أنتبهوا لا تدعون على أحد أدعوا لهم أفضل لك الله يسامحني الله يعوضه خير ويعوضني خير تتوقعون معقولة الدعوة ترجع لي حتى وهي ظالمتني؟؟؟..

ودي أصير قوية بس أصير ساعات وساعات :icon33: بس أبكي وأتحسر وألوم نفسي لكن الله يعلم أني سويت اللي علي وأكثر وحاولت أحافظ على بيتي وزوجي لكن هو مالقيت منه أي تجاوب بالعكس يزود علي ويعاملني بشكل سيء وكأني مو زوجته عدوته الله يسامحه عشت أيام الله لايذوقه أي بنت عشت وحيدة بيتي..

أبسألك البنات اللي انفصلوا عن أزوجهم كيف تحملتوا وشلون نسيتوا ؟ خاصة اللي أنفصلوا وهي ماتبغى .
أنا ماعندي أحد أفضض له غيركم تكفون أدعولي الله يعوضني خيرآ ويرزقني الزوج الصالح اللي يعوضني عن كل اللي أنحرمت منه ويوفقني معه..
أتمنى ألقى لي صديقة :26:وشكرآ لكم جزيلآ..
27
2K

يلزم عليك تسجيل الدخول أولًا لكتابة تعليق.

تسجيل دخول

أبنه حواء
أبنه حواء
أستغفر الله وأتوب إليه.
القمرااااا
القمرااااا
الله يعوضك خير ياقلبي

الحل الوحيد

الدعاء اخر الليل


لي عوده
هوازن الرياض
هوازن الرياض
وأذا تطلقي وش فيها لا عيب ولا حرااااااااااام ..

تخيلي لو ما شرع الطلالالالاق .. صدقيني كان ضاعت حريات الناس وصار فيه أكراه وتعسف وأجبار على كل شيء ..

الحمد لله .. تجربة وما نجحت فيها بس مو معناها فشلت .. كل متزوجة معرضة للطلاق اللهم الأرملة خخخخخخ ..

وعسى أن تكرهوا شيئا ويجعل الله فيه خيرا كثيرا ..

أنا معك بالكآبة اللي تعيشينها لأنها مهما كان عشرة عمر وحياة ووضع جديد وووووو .. لكن ما يعني أني أعدم شبابي

على شيء بداياته ماهي مبشرة ..

كلنا مرت علينا أيام صعبة .. ويازين الطلاق عند بعض الأمور اللي سمعتها أو عشتها مع أحد اللي أحبهم ..

والله أنزل بعدها علينا المن والسلوى ومشت الدنيا وكأننا ما عشنا ذيك الأيام بحلوها ومرها ..

ما توقف الدنيا علشان رجال .. ولا أوقف عمري بسبب عدم تكافؤ .. ولا أعيش بحسرة حتى أرضي الناس ..!!

الله كريم يا خية .. ومثل ما عطاك أخذ منك قادر يعطيك أفضل منه بأذن الله ..

أعتبري هالمرحلة أيام وبتعدي ,, والله يختار لك ما فيه خير وصالح لك بدينك ودنياك ..

ولكن لا تضعفين ويقواك الشيطان .. بالعكس قوي أيمانك .. وثقي بأن الله ليس بظلام للعبيد .. ووعد الصابرين خير الجزاء ..

كان الله في عونك .. وأنزل الله عليك السكينة والسعد والفرح .. والله يوفقك ويسخر لك من عباده المتقين ..
دموعي دلع
دموعي دلع
(لقد خلقنا الإنسان في كبد) كبد يمر فيه كل انسان...
  • وماذا عن الرضا بما يقسمه الله للعبد ؟
يعلم العبد أن كل شيء يجري بتقدير الله ومشيئته، ومشيئته تنفذ، ولا مشيئة للعباد إلا ما شاء لهم فما شاء لهم كان وما لم يشأ لم يكن { ما أصاب من مصيبة في الأرض ولا في أنفسكم إلا في كتاب من قبل ان نبرأها إن ذلك على الله يسير لكي لا تأسوا على ما فاتكم ولا تفرحوا بما آتاكم والله لا يحب كل مختال فخور } فإن فاتك ما تظنه نافعك وما أصابك ما تظنه ضارك بعد أن بذلت الوسع في جلب النفع ودفع الضر فلا تندم ولا تتحسر وإياك (ولو ) الدالة على الاعتراض والشكاية فإنما قالها أولياء الشيطان من الكافرين والمنافقين .
قال تعالى { الذين قالوا لإخوانهم وقعدوا لو أطاعونا ما قتلوا قل فادرؤا عن أنفسكم الموت إن كنتم صادقين } ولكن قل قدَّر الله وما شاء فعل فان ذلك يطمئن قلبك ويذهب همك وحزنك { ما أصاب من مصيبة إلا بإذن الله ومن يؤمن بالله يهد قلبه والله بكل شيئ عليم }
والله يوفقك ويجعلك احب الناس لقلبه ويؤلف بين قلوبكم
انه على كل شئ قدير
ام جود الحمد
ام جود الحمد
يا أختي عليك بقراءة القرآن والدعاء وصلاة آخر الليل والاستغفار
سبحان الله راح ترتاحين من التفكير فيه
وعسى ان تكرهوا شيئا وهو خير لكم وعسا ان تحبو شيئا وهو شر لكم
ما يدري الانسان وين الخيره بس وكلي امرج لله واحتسبي وربي راح يعوضج بأحسن منه