ادخـــلو وســـاعدونـــي

السلام عليكم ورحمة الله وبركاته

أرجو من عنده حل مناسب يساعدني ويوجهني للصواب وادعي لكم بكل صلاتي ان شاء الله

انا متزوجه من خمس سنوات وكانت حياتنا حلوه اول سنه وماحملت وثاني سنه بدت الهوشات وكل واحد

يترصد لثاني واثناء مشاكلنا ماقد اني اعتذرت لزوجي لاني اشوف انه سبب المشكلة وانا غيارة مررة

كل ما اروح لأهلي واشوف حياة خواتي مع ازواجهن وسفرياتهم احس اني اولع وانتضر المشكلة

وللمعلومية عندنا تأخر انجاب والسبب زوجي وكنت اضغط عليه انه السبب بعض الاحيان المهم هدت امورنا

اربع سنوات وبرضو مافيه حمل وعلاجات وعملية انابيب ومصاريف ووضعنا المادي ضعف كثير

وكان فيه تفاهم المهم انا اخر سنه قطعت اهل زوجي وكان بيني وخواته اختلافات كثيره ولا اجي الا بالمناسبات الكبيرة

وكان زوجي يقول امشي واقول لا ويتركني وكل اسبوع امشي وبرضو اضيعه والعب فيه اني تعبانه والخ...

المهم ضغط علي الشهور الاخيرة ما اخرج الا اذا اروح معاه لأهله واحنا كلنا بحي واحد واخوي برضو بنفس الحي

المهم بدت المشاكل من ست شهور ضغط التأخر وانه هو السبب ومنه اني ابيه يخليني على راحتي واني متحملتك ومرضك

المهم قبل شهرين عزم اهله على العشاء في بيتنا وطلع يجيب حلا وانا اكره اهله كثيرررر بسبت مشاكلي مع خواته

المهم طقو علي الباب وهم بالعاده يجو البنات اول شي وبعدين خالتي طقيتهم عند الباب مافتحت على طول

اثاري الباب الثاني لمدخل بيتنا ماسكره زوجي وانا كنت واقفه عند الباب المسكر وفتح الباب الثاني علي ولدهم الصغير ومعهم خالتي انقلب وجهي الوان والوان وقالت خالتي ام زوجي عيب تسوين كذا فينا والخ...

وخوات زوجي ماصدقو خبر ودقو على زوجي اني مافتحت لأمه وزودوها وجاني للبيت وضربني وقال انتي منتي متربية

وخلاني بالبيت اسبوع ماطلعت وبعدها قلت ابيك توديني لأهلي خلاص بنفترق وانت تعاملني كأنك حيوان والخ..

وكنت بس ابي اخوفه على اساس يتمسك فيني لأنه هو منه سبب تأخر الحمل ولاكن قال يالله اركبي وسكتت

وخذيتي ملابسي ووداني لأهلي ولي شهرين وانا ببيت اهلي ياربي مدري وش اسوي خربت بيتي بأيدي

وحسبي الله على ابليس كبر راسي وطاح الفاس بالراس اول شهر كانو اهلي متعاطفين معي وبعده بشهر

حسيت اني ثقيلة عليهم وخواتي يروحو مع ازواجهم وان جالسة بالبيت احس اني بموت من القهر

ومرة عمي تقول احسن اني ماخذيتها لولدي اول وانا كنت رافضة زواج ولد عمي احس الناس بدت تضحك

علي وودي ارجع لبيت زوجي تنصحوني ارسله او ادق عليه عادي وش اسوي ما احسب اني احبه كل القدر هذا

لاكن اول مره مايدق كل هالمده وسمعت انه بيزوجه عمه وولحين ماصار شي وخايفه وانتم عارفون لو أتطلق من باخذ اكيد رجال كبير او على مرة ثانية او واحد مو صاحي.

طلبتكم شورو علي بالعقل الله يجزاكم كل خير.