ادخلوا اقروا قصة ولادتي

السلام عليكم ورحمة الله
حبيباتي انا اليوم حابه اذكر لكم قصة ولادتي بولدي عبدالرحمن الله يخليه لي يمكن تفيد احد منكم اذا جاتهاالآم الولاده الله يسهل على كل مسلمه انا طال عمركم خلصت التاسع ودخلت في العاشر ماولدت كل مارحت للمراجعه قالت لي الدكتوره ان شاء الله هذا اخر يوم تجين فيه بكره حاتولدي واصدق وانبسط واطلع مبسوطه لكن للاسف ماولدت حاولت مشيت كثثثثثر احس باللام بس مافيه بوادر ولاده لادم ولا مويه كرهت عمري وكرهت زوجي الي كل ماشافني قال هاه ماولدتي واجاك شي قالولي بنات في منتدانا الغالي ان شرب الخروع يجيب الولاده بس تصدقون خفت استعمله المهم طول يومي اقرا ايات قرانيه وامسح على بطني وفيه كتاب مره حلو سهل علي بعد الله الي هو الافاده في ورد الولاده انصح كل وحده قربت ولادتها تشتريه المهم تشوفوني رايحه جايه على الحمام اعزكم الله امسح ناشفه تماما مافيه بوادر ولاده واقعد على الوضع هذا يومين الم شديد بدون دم او مويه بعدها جاني اتصال على الجوال من عمتي وانا اكلمها كنت شوي تعبانه لان الالم يروح ويجي حسيت برطوبه قفلت الخط وطيران على الحمام الا اشوف دم احمر مع مخاط والله العظيم يابنات انه جاني رعب مو طبيعي قلت بس جاك الموت ياتارك الصلاة لدرجة صرت استفرغ من الخوف بحكم اني اعرف وشي هي الولاده ومجربتها وطيران اخذ شور وارتب شنطتي وشنطة البيبي وادق علي المحروس ويجي طيران الابتسامه شاقه وجهه وش وراهم مايحسون بالي نحس فيه قال يله اركبي المستشفى قلت انتظر شوي خل الالم يشتد واجلس ادور في بيتي واتالم واشرب قرفه وكل مال الالم يشتد وانا احاول اصبر نفسي وادعي وجلست على الوضع هذا ثلاث ساعات لين حسيت ان الالم خلاص معد يحتمل واركب السيارة وانطلق لمستشفى الملك فهد الحرس تعرفون مشواره بعيد سفر وانا في السياره ماتسمعين الا مره صرخه مره دعاء مره صياااح وكان الم الطلق شدييد مرررره متعب وزوجي الناس في وادي وهو في وديان يقول الله يستر لا تولدين على في السياره تكفين امسكي نفسك يحسب الدعوه بكيفي المهم عقب العذاب وصلنا ودخلت المستشفى مليان زحمه ودخلوني في غرفة ماقبل الولاده ومعي في الغرفه عشر حريم بينا ستاير كل وحده تصيح مع جهه انا يوم شفت المنظر جاني خوف شديد قلت باولد هنا قالت ايه الغرف مليانه مافيه غير هذا المكان توكلت على الله وجلست ع السرير وانا ابكي من شدة الالم والي جمبي تبكي والثانيه والثالثه شي فضيع اذا تذكرت الموقف وقف جلدي المهم كشفت علي قالت خلاص ولاده خمسه سانتي والغرفه بارده ومع الالم والخوف جتني رعشه مو طبيعيه قعت ارجف وغطوني ببطانيه وبحق الممرضات كانوا عسل وانا بس ادعي ربي واصيح من شدة الطلق وماتقدري تتحركين من ابرة المغذي وحزام التخطيط الي يكتم انفاسك فجاة جاني طلق شديد وزحيير مو طبيعي خلاص قرب الراس يوم شافتني الممرضه كذا وانا ابكي واتالم خلاص سكرات الموت بسرعه دفتني بالسرير الي انا عليه ودخلتني غرفه خاصه وحطت علي الاكسجين ونادت الدكتوره وكلن عندي ممرضتين وتجيني الزحرات وابكي ويقفلون رجولي ويقولون لسه لا تسوي كذا بعدين مافيه كويس فيه نزيف وانا ابكي واقول غصب عني الزحره تجي مو كيفي واجلس اطلق واتزحر ورافض يطلع وتقول الدكتوره انت فيك زحرة الولاده بس الراس بعيد رافض يقرب وانا اصيح واقول تكفون ساعدوني خلاص ماتحمل هذا الزحير خلصوني واجلس على هل الحال ساعه كامله لين خلاص خارت قواي تعبت مره مره والله طل الموت بوجهي وينادون دكتوره ثانيه الله يفرج لها وتدخل حاجه وتسحب راسه وتجيني ذيك الزحره الي طلعت امعائي وروحي وعروقي معها الا تقول الدكتوره خلاص حبيبتي ولدتي الحمدلله ويصفقوا السسترات واسمع صرخة ولدي حبيبي الي نستني كل المي وقلت الحمدلله وجتني نوبة بكاء عجيبه مدري فرحه مدري راحه مدري وشي طلعت الدكتوره ولدي وحطته على صدري وشوفه وهو يتاملني بعيونه وياخذونه ويغسلونه ويطلعون المشيمه وينظفوني والحمدلله واحس اني خلقت من جديد بحق الله يخلي لنا امهاتنا والله انهم تعبوا علينا وما عطيناهم حقهم واشكر بعد مستشفى الحرس الي بحق عنايتهم جدا حلوه