السلام عليكم ورحمه الله وبركاته
http://forum.hawaaworld.com/showthread.php?t=3551746
هذا رابط موضوع نزلته قبل شهر تقريبا عن زواج زوجي حطيته للي حابه تتطلع وتشوف القصه كامله
زوجي حبيبي تزوج
قبل زواج زوجي بكم يوم سافرنا سوا وغيرنا جو وانبسطنا بالمره واعطاني طقم ذهب وفلوس في رصيدي
وقلي انا شوفيني اسالك للمره الاخيره اذا منتي موافقه على هذا الزواج خلاص ما بيتم قلت له لا والله موافقه ولاعندي مانع وكمان بحضر زواجك رضا لك وطبعا بعد ما استخرت ولقيت الانسب اني احضر
المهم جا يوم الزواج تكشخت ولبست فستان حلو وما خليت على نفسي شي ورحت القصر طبعا الكل تفاجا اني جيت كل من دخل تجيه صدقه انا كنت جالسه في الاستقبال مع اهل زوجي وسبحان الله ما حسيت اني زعلانه او متضايقه ولا اي شي كنت طول الوقت ادعي ان الله يساعدني ولا يبان علي شي من التوتر وكنت اردد بيني وبين نفسي انا قويه وانا راضيه بقسمه الله ونصيبه
على نص الزواج تفاجات باهل زوجي مسوين لي زفه خاصه ومعاهم هدايا منهم ووحده من زوجي وطبعا ما كنت ادري عن شي منها ابدا الا في وقتها انبسطت كثثثثثثثثثثثثثثثثثير يهديه زوجي وعمتي قالت لكل الحاضرين هذي الهديه من ابو فلان لام فلان
كانوا ساعتها اهل ضرتي متضايقين ويتغامزون وتحسين توتروا بس انا تعاملات معاهم عادي جدا ولا بينت فرحتي بالهديه كثير اخذت الهديه ورقصت شويه وبعدين نزلت وطول الوقت جالسه على الطاوله مع اهلي بهدوووووووووووء وزيي زي اي وحده معزومه
اهل ضرتي اقصد خالاتها وبناتهم كانوا متفاجئين مني ما توقعوني كذا صغيره وبخير حسبوا اني تعبانه او كبيره او ماني حلوه وهذا كلامهم لام زوجي
قبل الزفه انا طلعت خلاص من الزواج مع اهلي ورحت بيتهم ودخلت غرفتي وجلست ابكي لين اليوم الثاني وخواتي عندي يهدوني وعدا اليوم وانا في قمه التعب
اليوم الثاني الا زوجي يتصل ما رديت عليه واتصل ولا رديت واليوم اللي بعده برضه ماارد بس ارسلت له رساله قلت الله يهنيك وانا اتركني لحالي ارتاح بعد ثلاث ايام من زواجه جا بيت اهلي وقلي يالله خلاص لازم ترجعين البيت وكان ابوي موجود وقلي روحي مع زوجك تفضل وسمعت الكلام ورحت انا اصلا كنت ناويه اروح بس بعد ما تزوج حسيت قلبي انكسر حسيت نفسي ضعفت حسيت بان خلاص ماعاد لي قيمه تعرفون التعب النفسي وش يسوي بالوحده
المهم رحت البيت وكانت اصعب لحظه في حياتي كاني رجولي مربوطه وثقيله ماني قادره امشي دخلت البيت وعلى غرفتي ابكي بجنون ولا ابغى اكلمه قلي مو انتي اللي موافقه على زواجي الحين وش صار قلت له ما صار شي بس الحياه الحين تغيرت وغصب عني بغار قلت لا انت ما تحس باحساسي الحين سالته ليش جيت اخذتنا قال انا قلت لها ثلاث ايام بس وبعدين كل وحده لها يوم عادي
مشت الايام والحمد لله تعودت بسرعه وجاتني بعد اسبوع تقريبا زارتني وبعدين مشت الامور الحمد لله وزوجي طبعا فرحااااااااان ان العلاقات طبيعيه وصارت تجي عندي باستمرار انا للامانه ما رحت بيتها ابدا
بس امس كانت المفاجاه الكبيره
جا زوجي عندي وكان يومها جا وهو زعلااااان ومتضايق قلت اشبك قال وديتها عند اهلها وطلقتها قدام ابوها والسبت بروح المحكمه اخلص الاوراق
انا كان احد صب على راسي مويه بارده حتى الكلام ما قدرت اتكلم جاتني فرحه وجاتني ضيقه وخوف وكل شي
يقول لي فتره اشك فيها تكلم جوال امها وخالاتها كثير واذا جيت تقفل الخط
المهم زوجي عسكري واللي زوجها عسكري تعرف كيف نظامه وكيف لازم يتحقق من كل شي مافي شي يمر من قدامه بسلام
راح وحط لها تسجيل في الجوال ةسمعها وهي تتفق مع خالتها انها تفرق بيني وبينه
للاسف للاسف كانت ناويه على سحر تفرقه وكانت خالتها تقول لها جيبي اثر منهم الاثنين وابشري اسبوع وهو مو طايقها
انا بغيت انجن جلست ابكي وابكي ليه انا وش ضريتها فيه قلت كيف وديتها اهلها ما قالوا شي قال انا قلت لها يالله بنطلع نتمشى ولبست عباتها ونزلت حتى ما خلاها تاخذ شنطتها وراح وصلها بيت اهلها وزهم ابوها وقله بنتك طالق واسمع الشريط هذا بتعرف ليه طلقتها وطلع من عندهم وشوي الا ابوها يتصل يتعذر ويترجى زوجي ما يفضحهم وقله ما بلومك على طلاقها لكن استر علينا ولك اللي تبغى زوجي قال بس رجعوا مهري البنت مالها عندي الا شهر
وانا اليوم من اول ما صحيت وانا ابكي ومقهوره وخايفه ليه سوت كذا ليه انا ما ضريتها بشي بالعكس استقبلتها في بيتي وعديتها اخت لي والله كانت تجي بيتي وانا نايمه وتدخل وتسرح وتمرح على هواها وكان مدلعها زوجي عروس كل يوم طلعات وروحات وانا والله ما طلعت ولا مره جا طلع عياله كم مره واعتذر اقول تعبانه ومره قلت امي بتجي عندي ماكان لي نفس اخرج ولا كنت ابغاها تحس اني انافسها لاني كنت حاسه انها غيرانه مني كانت اذا زوجي عندي تتصل كل شويه عليه بس ما يرد دايما ومره ارسلت هي رساله بس مدري وش فيها مسحها لكن شفت رده عليها قلها انا اليوم ما اقدر بكره ابشري باللي يرضيك انا اليوم عند ام فلان ولا سالته ابدا وسويت اني ما شفت الرساله
تخيلوا كانت احيانا تجي تنام عندي في البيت اذا زوجي مستلم تقول تخاف لوحدها ولا كنت اتضايق مع اني كنت عارفه انه مو خوف بس تبغى تكون قريبه منه وتعرف اش يسير بينا
الحين زوجي متضايق بالمره بدا يرتاح لها وكان مبسوط انه علاقتنا كويسه وانصدم فيها
اتصلت على ام زوجي وعلمتها اليوم الصبح جلست تبكي وحلفت بالله ماعاد اخليه يتزوج رغم انها ماكانت موافقه على زواجه من الاساس بس هذا النصيب
انا ما اقول الا الله يكفيني شرها ويبعد عني وعن عيالي وزوجي كل مكروووه الله يخليكم اردعوا لي والله من جد خايفه مع ان زوجي اكد لي انها طلعت بس بالبس اللي عليها مامعاها ولا شي ولا حتى لحقت تغير ملابسها اصلا بس برضه خايفه ارجوكم ادعوا لي
كارهه الدنيا @karhh_aldnya
عضوة جديدة
يلزم عليك تسجيل الدخول أولًا لكتابة تعليق.
وعلي نياتكم ترزقون الوحده تحط امام عينها الخوف من الله وتصدقني بتلقي السعاده في الدنيا والاخره وانتي مالك الا الله تدعينه بان يحميكي انتي وعيالك مالك الا الدعاء حبيبتي الله يوفقك يكفي انك عملتي كما يحب الله ويرضه
ان كان صواب فمن الله وان كان خطاء فمن نفسي والشيطان
ان كان صواب فمن الله وان كان خطاء فمن نفسي والشيطان
ياقلبي والله فرحت من قلبي
الله يحببه فيكي ويسخره لك ومايشوف الا انت ومايسمع الا منك ياحي ياقيوم
استغفر الله العظيم من كل ذنب عظيم
الله يحببه فيكي ويسخره لك ومايشوف الا انت ومايسمع الا منك ياحي ياقيوم
استغفر الله العظيم من كل ذنب عظيم
سبحان الله
انتي داومي على اذكارك ولا عليكي منها ما تخافي من هالاشكال الله الحامي
وخلي سوره البقرة شغاله بالبيت وانتي كمان اقرأيها ولا تخليها
الله يوفقك وينصرك عليها
انتي داومي على اذكارك ولا عليكي منها ما تخافي من هالاشكال الله الحامي
وخلي سوره البقرة شغاله بالبيت وانتي كمان اقرأيها ولا تخليها
الله يوفقك وينصرك عليها
سبحان الله ربي عطاكم على قد نيتكم
لا عاد تقوليله تزوج
و كل يوم قولي بسم الله الذي لايضر مع اسمه شيء في الارض ولا في السماء و هو السميع العليم 7 مرات و ان شا ءالله مو ضارك شي
لا عاد تقوليله تزوج
و كل يوم قولي بسم الله الذي لايضر مع اسمه شيء في الارض ولا في السماء و هو السميع العليم 7 مرات و ان شا ءالله مو ضارك شي
الصفحة الأخيرة
والمكر السيء يحيق بأهله
وربي رجعلك زوجك ورفع راسك بين الناس
وكيدها رجع عليها
احمدي ربك وصومي ثلاث ايام الي ربي نجاكي من مكرها وسحرها
ولا تضايقي ولا شي على هالاشكال الواحد مايحر نفسه ولا يفكر فيهم