ادخلوا بنات يا حبي لكن

اهتمي الان بصحتك وخذي فيتامينات عشان تسندي نفسك توك والدة وطفلين الله يعينك
حاولي ترتبي وقتك
وكمان لاترهقي نفسك فوق طاقتها حاولي تقفلي الغرف الي مالها داعي وتحطي مكان واحد لجلستكم وتحاولي تكوني هاديه بتعاملك مع ابنك الاكبر عشان لا يتعبك ويشاقي اكثر ر
لانه لسه صغير الله يكتب اجرك وان شاء الله البنات يفيدوكي

الله يعينك حللي فيتامين د واشربي حليب وكولي تمر وكولي الاشياء الي فيها بر زي القرصان والمرقوق مثلا وكولي سلطات اذا تقدرين

واحسن ممسحه انا اشوف الممسحه العجيبه ناس يقولون حلوه شوفي يمكن تعجبك

الحمدلله على سلامتك اول شي
ثاني شي لازم حبيبتي تنتبهين من الشيل الثقيل عشان العمليه انتبهي من شيل الثقيل

ثالث شي بيتك ياحبيبتي بتتعبين مافي شي سهل وانا اقولك بحكم اني قريبه من تجربتك
اول شي بنتك مره صغيره وتبغى اهتمامك وترضعينها و يروح الوقت وانتي مع عيالك

عشان يكون بيتك نظيف
اول باول تدخلين الحمام الله يكرمك اشطفيه بديتول
تروحين المطبخ لاتطلعين وفيه حتى ملعقه غسلي اول باول وامسحيه يوميا و اكنسي يوميا
غسيل الملابس يوميا اغسلي ملابسهم الوسخه وانشريها واكويها و رجعيها للدولاب لاتنامين وتخلينها تتجمع

صدقيني كل وحده من هالشغلات ماتاخذ منك نص ساعه لان الشغل اليومي نظافه وراحه بدون وقت وجهد بسيط

التنظيف العميق انسيه لحالك ومعاك طفل رضيع لازم شغاله
اذا قرب رمضان جيبي شغاله يوم كامل و تنظيف عميق للبيت كله

اما الان اكتفي بالتنظيف اليومي صدقيني بيغنيك بس خليك ذكيه واستغلي وقتك
و افتحي الدرايش خلي بيتك يتنفس
وحافظي على صلواتك وذكر الله بالبيت
واضيفي الحريم النظيفات وربات البيوت بالانستغرام شوفي هاشتاقات #تنظيف وو الخ واستفيدي من ربات البيوت

الاهم من ذا كله
اكلك اشربي مويه 2 لتر يوميا
يوميا خضار خضراء وتفاحتين وموز واي شي من ربي حلو بطيخ فواكه عنب خس طماطم
احسن لك من الاكل المصنع والمكرر وقللي من اكل الحلويات

سبحان الله