ادخلوا تكفون

اخوي صار له شهرين متوفي بسبب سرطان الرئة 
تكفون ادعوا له 

وكسر خاطري كتب لنا رسالة وتوني القاها

هذا جزء منها :

ارجوكم. اترجاكم ، امي ، اخوي ، خواتي 

والله اني احبكم وابي لكم الخير بالدنيا والآخرة 

اترجاكم لا تقطعون الصلاة ولا تغتابون ولا تكذبون وتحللوا وتسامحوا ولا تقطعون رحم تكفون اترجاكم بجي يوم واموت ولا ادري عن حالكم تكفون والله اني خايف عليكم وعلى آخرتكم اترجاكم ان اغتبتوا تحللوا وان قطعتوا الصلاة اقضوها وان قطعتوا الرحم وصلوا بعض 

وادعولي بكل صلاة تكفون وحافظوا على نفسكم  ولا تنسون الآخرة ماكتبت هالرسالة الا وانا حاس اني برقد تحت التراب 

مكتوب في المستشفى الفلاني ، التاريخ الفلاني )

تكفون اخوي عمره ١٥ بس ماكنت ادري انه يحمل كل ذي الكمية من المشاعر يا الله تدرون انه بثالث متوسط كان بيدخل الثانوي ليته دخل المدرسة وشفته يتذمر ويبكي من تعبها ونذاكر مع بعض اه بس 

وامي من بعد موته كل يوم تشوف الموت 

تكفون ادعوا له بالرحمة والمغفرة  ماني عارفة كيف اعيش من بعده . غيرت له حفاظته وعطيته الرضاعة ولعبته وذاكرت له  واحين توفى الله يرحمه 

ونصيحة مهمة : السرطان لازم تفحصون عليه بسرعة وتتلاحقونه خصوصا سرطان الرئة يجي وماتدرون عنه الا بالأخير تكفوووون اترجاكم 
حتى قاعده ارجف وانا كتب فيني البكية