قلت يابت انسى احسن مايتهور المهم بفضل ربنا ثم بفضل تجارب الاخوات قلت اجددها وادهنها طبعا كل النجاريين خوفونى وقالوا قشرة مش هتنفع انا اجرات واخذت الخطوة وفكتها ونزلتها وطبعا حيطان الاوضة كانت زفت سورى فى اللفظ!!! طين قلت يالة بالمرة ادهن الحوائط ودهنتها فليفت وبالمرة كمانا بلط الارضيات فنييل شبة الباركية لانة سهل فى تركيبة اصبروا كلة جاى فى الصور مش عايزة حد يقلق ولاحاجة ويقول هتحكلنا حكايتها مع الزمن المهم دهنت الطرقة كمان وطبعا خشب غرفة نومى قشرة ياعنى لو ادهن بس هيبقى معفن مش عارفة الفاظى بقت بيئة كدة لية قلت اجيب حليات والصقها ع الخشب وادهنها دهبى وفعلا جبتها اسمها نبرتيهات ماانا بقيت فى الكار وفضلت طلعة نازلة لشهر ونص اجيب دة واودى دة لما احوليت 
ملاحظااات تسريحتى كانت كبيرة وانا اوضتى صغيرة فكرت وقصيت الحتة الى فى النص وصغرتها
الادراج كانت عندى قليلة عملت ادراج كتيرة ولغيت البيبان كلة هيبان فى الصور
ودة كلة اكلف كغرفة خشب الف ونص بدل عشرين شوفوا انا شطرة ازاى
وكمان اشتريت سجادة حمراء جديدة بصراحة قلت لماما نفسى فيها جبتها لية هدية مع المفارش بتاعت الاوضة بس لسة الاباجورات موصية عليها اسيبكم مع الصور عيشوا
وعايزة كل الى يخش يعلق عشان احبة