ادخلوا شوفوا لما ابرت امها ايه اللي حصل معاها

واحدة صحبت امي امها كفيفة مبتشوفش وكل أولادها اتجوزوا وكان لازم حد يرعى الست الكبيرة دي بنتها الصغيرة هي اللي اخدتها عندها في بيتها وقالت انا هخدم أمي وبنتها دي كانت متجوزة وكانت علي مشاكل دايما مع جوزها بسبب مصروف البيت اختها بتقول لماما إن جوزها مكنش بيديها مصروف وكان بيروح ياكل عند أمه ويسيبها هي وبنتها بعد أما خدت أمها عندها وخدمتها سبحان الله ربنا هدا جوزها بقي كأنه واحد تاني بقي بيقبض الراتب ويروح يديه لمراته في إيدها وبقي خاتم في صابعها وكانوا بيعانوا دايماً من ضيق الرزق وتعسر ظروفهم المادية سبحان الله صحبت أمي تقول لها ربنا صب عليهم الرزق صبا وفتح لهم أبواب رزق كثيرة من عمل في التجارة وغيرها وبقوا ميسوريييييين الحال ودا كله حصل أول ما خدمت امها وحصل بعد كدة إن جوز الست دي وقع ورجله اتكسرت ف طبعا كان صعب عليها أنها تخدم اتنين نيمين في السرير ف أختها التانية خدت امها عندها شهرين وأول ما جوزها بدأ يمشي علي رجليه راحت جابت امها عندها تاني وقالتلها انا مقدرش أعيش من غير ك من يوم ما اعدتي في بيتي وربنا فتحها عليا وفرج همي وهدالي جوزي ورزقت بسببك ورجعت معاها تاني لبيتها
يا بنات أي واحدة عندها موقف أو قصة مع بر الوالدين تدخل تكتبها ولكي أجر من يعمل بها