السلام عليكم........ صلوا على النبي عليه الصلاة والسلام
بقولكم قصة وحده من الاقارب بس رجاء بدون سب للناس اللي حواليها لاني كتبت القصه للفائده من طريقة حياتها الصبررررررر حلو بس المجامله تذبح الله المستعان
اولا باختار لها اسم مستعار..... ام خالد
ام خالد متزوجه وعندها عيال وبنات كبار في المتزوجين وفي اللي ماتزوجوا... زوجها جاد معاها بالمعامله وهي بالبيت كالشغاله طبخ وغسيل وتنظيف زوجها تزوج على وحده ثانيه من احدى الدول العربيه نسميها سمر سكن الزوج مع سمر جمب بيت ام خالد بس اي مناسبه عنده هي اللي تستقبل وتطبخ راعية كرف وشغل وكل شي على راسها حتى اطفاله الصغار من سمر يرسلهم عند ام خالد دايم يلعبون عندها بالبيت وياكلوووون ....غير الزوج عيالها المتزوجين كل صباح قبل يروحوا لدوام ينزلون اطفالهم عندها لان زوجاتهم مدرسات وهي وشغالتها يقومون بالواجب من اهتمام بالصغار وتصلح غداء رز ودجاج بقدر كبير وتوزعه على عيالها وزوجاتهم تقول مساكين مايمديهم على طبخ الغداء اما بناته المتزوجات كل وحده ابيتها بس اللي مو متزوجات كل وحده بغرفتها فوووق والام لحالها تحت حتى الجلسه قليل مايجلسون معها
اما اخوانها اذا راحوا للرياض مايستاجرون يجلسون عندها بالبيت وهي تطبخ غداهم وعشاهم وتستقبلهم احسن استقبال وهي اللي تطلب منهم يجوون عندها مطبخها كبيرررر وفيه اربع افران من كثر ماتطبخ ماشاءالله شفتوا كيف مضغوطه
اذا بتطلع مشوار مع زوجها تروح سمر معاهم وتركب قدام وام خالد وراء وساكته ماتقول شي ....انخطبت بنتها وتزوجت بعد كم يوم حطوا لها عشاء ام خالد فرحانه ببنتها والبنت تروح تجلس عند جدتها وتعلم الجده بالهدايا اللي جتها من الناس وجت ام خالد بتجلس مع بنتها وامها اللي هي الجده تبي تسمع اخبار بنته بعد الزواج البنت اسكتت ماتبي امها تدري عن الهدايا بحجة ان امها طيبه بزياده تروح تقول لعيالها والبنت ماتبي حريم اخوانها يدرون عن حياتها واشيائها الخاصه
بس ام خالد اسكتت والغصه بقلبها
المتنفس الوحيد لها زيارة اهلها بالقصيم تستانس بالاجازه اذا راحت للقصيم بس حتى مع اهلها ماخلوها تأخذ راحتها تخيلوا زوجها منعها من زيارة اهلها الا بشرط تأخذ عياله من زوجته سمر معاها والا ماتروح احتسبت الاجر واخذتهم معها
تخيلوا يابنات طلعنا بستراحه وهي مو مرتاحه من شدة اهتمامها بعيال زوجها تبيهم ياكلون وتعطيهم من الحلا والعشاء وتنادي بناتها وين اخوانكن لبسوهم جزماتهم انواع الاخلاص وبعد مارجعوا للرياض عيال زوجها مره انبسطوا راحوا لامهم سمر يقولون القصيم حلوه وووناسه طلعت استراحات وناس كثيرررر سمر اعجبها كلامهم قالت لزوجها ابي اروح للقصيم مع زوجتك وبناتك قال ابشري
واستعدت ام خالد بااحدى الاجازات بتجي للقصيم قالها زوجها ترحين بشرط تأخذين سمر وعيالها
تخيلوا صارت تجيبهم كلهم معها ...سمر وعيالها مبسوطين من الجمعات وام خالد ساااااااكته وماتبين شي تسولف وتضحك وتخفي همومها بقلبها
وفي يوم من الايام كانت تسوي الغذاء كالعاده لعيالها جتها ضيييقه بصدرها على دخلة واحد من عيالها شااااف امه تعبانه قال بوديك للمستشفى اخذها وادخلت على الدكتور قال عندها القلب تعبان واضح ضغوط نفسيه لازم تريحونها ومن هالاكلام اطلعت من العياده على وقت صلاة الظهر قالت لولدها بصلي باستراحة النساء اخاف تفوت الصلاة راح ولدها يصلي وهي باستراحة النساء تصلي خلص ولدها من الصلاة جلس ينتظرها تأخرت بعدين جلس ينادي يمه يمه يمه في احد ؟ مايرد احد عليه دخل ولقى امه ساجده قام ينادي ماارفعت شالها لقاها ميته ماتت وهي ساجده :icon33: مااجمل هذه النهايه سنييييين وهي تتحمل وتضغط على نفسها لحد ماجاها الموت ماتتعرض لحد ولاتؤذي احد وتسكت عن حقهاا:44: واعظم شي انها صابره على زوجها وتخدمه بعيونها وتسكت عن اللي يضايقها
زوجها يقول فقدت الطبخ والسسسنع
بناتها مرررررررررره تعبانات نفسيا ومتأثرات بموت الام مره مسكينات الله يعوضهن خير
سمر تحبها وحزنت على موتها لانه انسانه طيبه وماشافت منها شر وعيالهااااا مره فاقدينها
ونسيت اقول ان سمر محترمه وتخاف الله قهر ام خالد من زوجها مو من سمر الله يهديه ويسامحه
يمكن اللي صار لها ابتلاء من الله سبحانه علشان يطهرها من الذنوب وماسخر لها اللي حولها واصبرت والنتيجه حسن خاتمه والله اعلم
بس طيبة القلب الزايده عن حدها والله تذبح:icon33:
الله يغفر لها ويعوضها بالجنه ادعوا لها يابنات
بنات الله يخليكم لاتسبوووون زوجها ولا عيالها وبناتها اللي صار لها مكتوب ومقدر وهي تتضايق من اللي يسبهم الله لايحطكم بمكانها ياكريم
الغزال الريم @alghzal_alrym
محررة برونزية
يلزم عليك تسجيل الدخول أولًا لكتابة تعليق.
اطفالي هم حياتي
•
الله يرحمها كسبت الموته الي نتمنها وسمعه الطيبه
الصفحة الأخيرة