ادخلوا كلكم والله حاسه انى بموت من الاحساس بالذنب تجاه بنتى

بنات والله انا اكتب ودموعى تزرف ومش شايفه الشاشه من الدموع لكن مالى غير الله وانتم لانى مغتربه هنا فى السعوديه ولوحدى والموضوع ان بنتى كانت الحمد لله اتعلمت من شهرين تقريبا تدخل الحمام وحدها ولا تعمل على نفسها ابدا هى عمرها سنتين وشهرين الان ومن حوالى اسبوعين خرجت مع صديقه بنتها فى عمر ابنتى ولسه بتتبرز وتتبول على نفسها وبنتى كانت قالعه البامبرز وهى سالتنى فاخبرتها ان بنتى بتعمل من فتره طويله الحمد لله فىالحمام لقيتها اندهشت وقالت ماشاء الله بصوت منخفض وسكتت بعدها والله يابنات مامرت ساعه الا والاقى بنتى جايه متبوله على نفسها وملابسها غرقانه ومن يومها بنتى ما تقول حمام ابدا صارت تتبول على نفسها وتتبرز كمان وده الى مضايقنى جدا لو هى كانت اتاخرت فى التعلم كان ماشى لكن احنا كنا خلصنا من موضوع الحمام ده خالص قولت يمكن اتحسدت وبدات ارقيها كتير وتتحسن يوم وترجع تانى لحد اليوم ماعملت على نفسها 3 مرات واخر مرة كانت براز اعزكم الله والله ماحسيت بنفسى الا وانا طايحه فيها ضرب وتلطيش بالاقلام ومسكت البراز بتاعها وحطيته على وشها وجسمها عشان تقرف وهى بتقرف جدا وفضلت تصرخ جامد وقولتلها هاكلهولك وكل ده وانا بضرب فيها واشدها من شعرها وضرب بطريقه هستيريه وبعدين حميتها وضربتها فى الحمام كمان وفضلت تصرخ لحد مابقت قادرة تتنفس وبعدين نامت من كتر العياط والله يابنات انا عماله ابكى من بعد ماضربتها وحاسه بالذنب جدا معرفش انا ازاى قسوت عليها كده وضربتها جامد اوى وحاسه ان ربنا مش هيسامحنى ومش عارفه اعمل معاها ايه عشان ترجع تعمل فى الحمام تانى بالله عليكم الى حصله مثلى قبل كده يقولى اتصرف ازاى وسامحونى على الاطاله لكن مخنووووووووووووقه وحبيت افضفض معكم