ادخلوا موضوعي بليز حبيت افضفض لكم عن كل شي بقلبي

السﻻم عليكم

أنا مالي في المقدمات بس حابة افضفض لكم واطلع كل اللي بقلبي أنا انسانه متزوجة لي سنتين ونص اعاني من زوجي كثير أكثر شخص تعبني في الحياة .. حياتي كلها ملخبطة معاه من يوم ما تزوجته .. أحس كرهت حياتي معاه وكل يوم عن الثاني أكرهه أكثر .. من يوم ماتزوجته وأنا في معاناه معاه .. وربي أنا انسانة طيبة ومحترمة وخلوقة ومرتبة ونظيفة وربي ما امدح في نفسي بس وربي شهادة الناس فيني يعني مو ناقصني شي كاملة ولكن الكمال لله وحده .. زوجي احسه عكسي تماماً في كثير من النواحي .. أنا انسانة أحب الفلة واعيش حياتي ... لكن تزوجت شخص حارمني الحياة .. إيش فايدة إني أتزوج واحد محرومة معاه من اشياء كثير ... أبسط الحقوق محرومة منها ... وﻻعمره من يوم ماتزوجته بسطني مثل العالم والناس راح اكتب لكم كل شي في نقاط عشان تتضح الصورة

1-شخص يحب اﻻستراحات أغلب وقته مع أصحابه برا اﻻستراحة مثﻻ يطلع من العصر مايرجع غير الساعة 10 يطل علينا أنا وولدي ويقولي ناقصكم شي وقوله ﻻ.. وخﻻص يخرج ويرجع يكمل سهرة في اﻻستراحة وإذا رجع قالي تعبان ابغى انام وﻻيجلس معاي وﻻشي
2-ينزلني عند أهلي بالأسبوع بالأسبوعين مثل اللي يبغى الفكة ينزلني في نفس اليوم ويرجع ومن يوم ما أنزل عند أهلي هم اللي متكفلين فيني في كل شي مشاويري خرجاتي طبعاً من قبل ما أجيب الولد وجبت الولد ونفس الحالة ماتغير شي أهلي يتكفلون فيني وفي ولدي أذا تعب انا اوديه مستشفى العاب انا اشتريله مﻻبس انا اشتريله طبعاً ينزلني عند اهلي في نفس اليوم ويرجع على طول منطقة تبعد تقريباً 3 ساعات عن مدينه أهلي كل ما أقوله اجلس يومين معايا شوف طلباتي وديني مطعم اغير جو يقول أنا أكرهه هذي المدينة ما أحبها وادخل أنا وياه في نقاش لين نتخاصم في اﻻخير يسحب علي ويطنشني ويرجع عند أهله يرميني عند اهلي ويروح
3- مايبغاني اسوي أي شي في البيت مايبغاني أجيب اثاث جديد مايبغاني أعلق لوح على الجدار تخيلوا أشياء مشتريتها ابغى اعلقها لها فوق السنتين مايبغاني أدق مسمار في الجدار عندي موكيت البيت قد عفن جاب لي المرض وخﻻص طلعت ريحته مايبغى اغيره حتى استحي اعزم أحد مرررة بيتي يفشل أنا أحب الترتيب واﻻناقة والتنظيم حطمني حسبي الله حتى اصﻻ اقوله خلينا نروح محﻻت أﻻثاث خلينا نشوف الجديد دايما يطلع بشغلة وأحيانا يقولي انا مو فاضي كل شي أنا معتمد عليا مرة وحدة شرينا فرشة حقت مجلس الرجال بغى ياكلني أكل ويسب ويلعن ويشتم مدري على إيش
4- ماعمره نزل معاي السوق شاركني رايه دايما يرميني على اخواته كل مانزلوا السوق اروح معاهم وهو مايبغى يودي كل الرجال اشوفهم نازلين السوق مع حريمهم وياخذون رأيهم وانا انقهر على نفسي ليه كذا وربي من يوم ماتزوجته مانزل معاي السوق غير 3 مرات وعلى مشاكل وكلها سب ولعن وشتيمة ومستعجل ويبغاني اشتري من مكان واحد واخلص
5- ماعمره طلعني مطاعم وﻻتمشيات وﻻخرجات بس اروح بيتي انحبس بين أربع جدران بس حياته استراحة ويرجع ينام أقوله أنا جاني ضيقة ابغى أخرج يقول بعدين أو يطلع مئة مليون عذر وسبب بس عشان مايطلعني من يوم ما تزوجته وانا عروس ليومكم هذا
6- ينام في غرفة وانا وولدي في غرفة طبعاً هذي الحالة من يوم ما تزوجته وزادت أكثر وكل ما اقوله نام معانا على السرير مثل اللي بس يجاملني وبعدين يرجع لوضعه لين تعبت معاه وصرت اطنشه يرجع من برا يجلس على الصامت مايتكلم بكلمة ساكت أنا وياه في نفس الغرفة لكن ساكت مايتكلم يفتح على اﻻخبار أو فيلم ويروح ينام
7- أقوله سفرني نفسي اروح مكة المدينة مايبغى ماعمري من يوم ما تزوجته سفرني مكان يمكن مرة اللي رحت المدينة ورجعت في نفس اليوم حتى قلت له نحجز في فندق رفض وربي مو بخيل بس ليه يعاملني كذا مدري ليه
8 - يعاملني بجفاء وقسوة وعنده أسلوب اﻻجبار اللي كرهني فيه يجبرني على أشياء كثير ما أبغاها حتى اسم الولد والبنت يجبرني فيها انا عندي ولد سماه على اسم أبوه اسم قديم مرررة وذحين حامل بالبنت وراح يسميها اسم قديم على اسم أمه انسان ظالم اخواته مسمين أسماء حلوة وجديدة وانا ظالمني يسمي أسماء قديمة ومو حلوة مو حرام مو انسان ظالم حسبي الله وكفى
يتصرف معاي تصرفات إنسان مريض انا كم مرة قلت له طلقني انا ما أبغاك العيشة معاك متعبة انا صبرت عليك لو وحدة غيري ماراح تعيش معاك خﻻص فكني خليني ارتاح يرفض ويتمسك فيني أكثر ويجلس ساكت ومايرد علي بكلمة
والله ياعالم صبرت عليه كثير صبر يهد جبال وربي اللي يشوفني يقول كأن لي 10 سنين متزوجة وهذا أنا مالي سنتين ونص هو إنسان كريم مايبخل علي بالفلوس وطلبات البيت يجيبها لكن انا ابغى رجال بمعنى الكلمة رجال يوقف معايا مواقف ما انساها رجال يكون سندي بعد الله اعتمد عليه في كل شي ما اروح إرمي نفسي على أهلي وﻻ فﻻن وﻻعﻻن ملكة اختي قبل كم يوم وربي كنت اتمنى انه يحضر ويشرفني قدام الخلق عشان يعرفون انه زوجي وافتخر فيه بين العالم لكن خذلني وربي أزواج بنات عمي جو المناسبة وزوجي اللي المفروض يكون موجود فشلني واحرجني عموما من أول ما تزوجته هو مايحضر مناسباتنا وﻻ افراحنا بس انا في في هذي اللحظة اخت العروسة وماجا وﻻ شرفني حتى الفستان اللي لبسته في فرح أختي أنا اللي اشتريته وانا عند أهلي مارضي ينزلني السوق حتى هديتها بعت من ذهبي واشتريت لها
..
أنا بصراحة من يوم ما تزوجته ماعشت مثل باقي العرايس ماعشت شهر عسل مافرحت ما انبسطت بس كل يوم ابكي واندب حظي واقول ليتني ماتزوجت وليومكم هذا أقولها واتحسر على العمر اللي بيضيع معاه وماني مستفيدة منه شي انا ماعمري عملت له ليلة رومنسية ماعمري لبست له لبس حلو ماعمري اسوي له أشياء عشان اغير من حياتي بس اشوفه تنسد نفسي عن كل شي مهملة بيتي ونفسي وولدي ومهملته ﻻنه هو مهملني ما أحب اتكشخ وﻻ البس له مع إني معروفه بالكشخه وأﻻناقة وما أخرج لأحد أﻻ وانا بكامل اناقتي سواء لي أو لولدي من يوم ما تزوجته وانا مبهذلة وحالتي حالة غصب عني بس اشوفه تنسد نفسي عن كل شي ﻻتقولوا مع الحمل من قبل هذا الشي وانا كذا ودايما ادعي عليه بالموت في كل لحظة
وأشياء كثير وكثير ماقلتها هذا شي قليل من شي كثييييييييير


قلولي بالله عليكم هذا رجال هذا انسان يخاف الله هذا انسان عنده ضمير ؟؟؟

خﻻص تعبت من الكﻻم

انتهى