ادخلوا واسوني

الأسرة والمجتمع

صبحكن الله بالنور والسرور 

خواتي وحبيباتي عضوات المنتدى أنا مالي بعد الله غيركم وطالبه منكم تساعدوني

سبق وكتبت موضوع لي هنا وللحين ماتوصلت لحل يغير حياتي 
أنا زي ماقلت لكم ام لطفلين بنت عمرها سنتين وشهرين و ولد عمره شهر وعارفه ان الكل بيلومني يقول دام حياتك كذا ليش حملتي بالثاني أنا حملت وانا مادري لاني اكلت مضاد وابطل مفعول المانع والحمدلله يارب جبت الولد الله يرزقني بره 

بنتي شقيه وعنيده وحياته كلها تحوس وصياح وماتلهى بالالعاب ولاتحبهم بس تبي تحوس وماتنام زين 
الشي الثاني زوجي يدرس الصبح ويداوم العصر لين العشاء يجي البيت يتعشى ويقعد على جواله او يحل دروسه وينام وكل خميس يتعشى مع ربعه والسبت ينام بدري وما اطلع الاباجازته واحيانا ما اطلع يكون عند اهله تعبت احس حياتي فوضى هذاي تصيح وهذا يصيح وبيتي احسه صار ممل كله صياح وصراخ واغلب وقتي الاحق بنتي ارتب وراه ولا اوكلها ولا اغير لاخوها احس حياتي بس لهم مالي حق على نفسي ولا عندي اهل امي موظفه ومشغوله بدوامها واختي لاهيه بدراستها مافي احد يزورني ولا احط يعزمني صديقاتي زي ماقلت لكم اهلهم مايطيعون يزورون احد ولاهين مع الجامعه الكل لاهي. بدوام بدراسه بسفر بطلعات الا أنا لاهيه ببزراني احس امي صارت ماعاد تجي بسبته عيالي تقول لاجيت ادوخ من بنتك. بنتك تنكد على الواحد. وبهاذي مالومها بنتي شقيه بشكل ماتخيلونه وعدوها تشوف 2 يتكلمون مع بعض. تعبت ومليت يومي كله كرف ومتابعه مالي ولادقيقه مع نفسي ان حصل وناموا عيالي احط راسي كاني ميته من التعب والارهاق وزوجي لايسولف ولايفرحني ولايشيل نص الحمل عني ولايعذرني بشي 
ومع كل هذا ماقصرت بحقه اكله جاهز وملابسه. عمره ما اخذ عيالي لاهله وخلاني ارتاح لوساعه لحالي احس نفسيتي تعبت من هالحياه حياتي كىيبه لا اروح ولا اجي ولا اشوف احد عايشه بين ازعاج وفوضى وكرف وان حصل وطلعت طيرتني بنتي صراخ وصياح بالسيارة ما اتهنى بطلعتي مادري وش اسوي ماعندي ميزانيه ابد اجيب خدامه ميزانيتي يالله تكفيني ~وغير كل هذا ظروفي الماديه صعبه يعني من كل جهه ظروفي وحالتي صعبه وبعض العضوات جزاهم الله خير نصحوني اكمل دراستي بأذن ربي ان شاءالله بكمل السنه الجايه وجزاء الله الجنه كل وحده نبهتني على هالشي وشجعتني اكمل 
والبعض يقول مارسي هوايه تحبينها مثلا خياطه او رسم 
للاسف ماعرف لهم لا ارسم ولا اخيط. مابي منكم الا ردود تغير حياتي بعد اراده رب العالمين ابي كل وحده مرت بهالظروف وتخطتها تقولي تجربتها 
9
1K

يلزم عليك تسجيل الدخول أولًا لكتابة تعليق.

تسجيل دخول

rashaSM
rashaSM
حاولي ترتبين حياتك في كثير حريم عندها اربع وخمسه ومرتبه وضعها
البيبي عمره شهر يعني اغلب وقته نايم
بنتك سنها كذا .. جيبي لها العاب تلهيها ورتبيها بزاويه وقصص مصوره وشغلي لها التلفزيون وتلهي
لازم يكون فيه وقت لنفسك تهتمي بشكلك وتتجهزي لزوجك وتتقربين منه
وروحي مره بالاسبوع عند اهلك غيري جو
احسك مكركبه ومصدومه مع جيت البيبي وماتعرفين كيف تقسمين الوقت

وربي يساعدك
لمى راشد
لمى راشد
جبت لها نواع الالعاب تلعب شوي وخلاص تمل  ماتحب الالعاب ماقصرتي ياقلبي
واتساب
واتساب
تحملي كم سنه وبيكبرون وترتاحي
الله يخليهم لك 
 واطلعي على الكتب التربويه الي تنفعك في التعامل مع الاطفال 
 ولوتقدرين تجيبين شغاله تجي ساعتين باليوم
 لو تغسل وتكوي تشيل عنك شوي
  وربي يعينك ويرزقك برهم 
 
لمى راشد
لمى راشد
الللهم  امين ياقلبي 
moodka
moodka
بنتك الله يصلحها تحاول تلفت نظرك بشقاوتها وتغار
بتهدأ اذا لعبتي معاها تلقينها بتسمع كلامك وتصير التعامل معها اسهل
اثناء ماتشتغلين غني والعبي معها وخليها تساعدك منها تتسلين ومنها تكسبينها
البيبي لسى عمرة شهر اغلب وقته نايم. بنتك عوديها تنام الظهر تريحين شوي منها
قفلي الغرف عن بنتك والحمامات خليها تحوس في مكان واحد بالصاله بس

الوضع الي انتي تمرين فيه كلنا مرينا فيه كآبه بعد الولادة ووضع جديد.
انتي وزوجك في مرحله التأسيس لازم تتحملون وتتعاونون مع بعض لين تتجاوزون هذي المرحله

الله يفرج عليك ويعينك