ادخلوا واسوني لو بكلمه ولاتنسوني بدعوه أكيده بظهر االغيب
ايش أقول ايش أبقي والحمدلله على كل حال
يمكن البعض يتذكر موضوعي في الحياة الأسرية هذا فيض من غيض
اش اقولكم خواتي
انا متزوجه ولاكاني متزوجه وعندي اولاد ربي يهديهم ويهدي الكبير منهم خاصة اللي زادني تعب
عمري تعدى 45 سنة تقولوا كبيرة .... ايه لكن تعطوني عمر أكبر من الهموم والمشاكل اللي عشتها وترافقني كظلي
تربيت في بيت كله مشاااااااااكل من فتحت عيوني على الدنيا بين انشغال اب وقسوة أم ربتنا وكل اخواني وخواتي يكرهوا بعض بسبب التفرقه وعدم العدل والمعاملة العسيره , نشأت في بيت الولد يضرب البنت وحلال عليه لحمها لو قطعها قطعه قطعه المهم تسمع كلام أخوها حتى لو هو أصغر منها ...... ماتمنى فؤادي يوم يكتب بعض معاناته ...... لكن احب تعرفوا قليل عنها .... والله يابنات قليل ماأتذكر يوم يمر علي ماأبكي وأصيح .. عشنا في منطقه نائية تقريبا لا اهل ولا أصحاب ونادر نشوف الجيران , ماأعرف كيف عشت لكن حياتي كلها خوف وقلق وتعب وتحقير وتحكم خاصة من الاخوان ,,, أول من طرق بابنا وكان رجال ملتزم هربت معاه , وعشت معاه صفر على الشمال يحقر المرأه واكتشفت كثير ارتكابه لمحرمات ولا قدرت أعمل شي غير الزعل اللي يجي على راسي , اهلي ماكانوا يستقبلوني وحرام عندهم البنت تتطلق حتى لو قطعها زوجها وزوجي عرف وضع أهلي واصبح مايعمل لي ذرة حساب . عيشني مهمله في حياته الا عند رغباته واستغلني شكل زوجه عشان يغطي كثير من مغامراته وسفراته . أتعبني مع الشغالات .. واتعبني في سهراته اللي مايعرفوا عنها أولاده .. أتعبني في النظر للاباحيات ويحرص أولاده مايعرفوا , لكن في النهاية عرف الكبير والولد اللي أصغر منه واحتقروا أبوهم وأثر عليهم الامر هذا بشكل كبير وهم أصلا مايحترموه وهو عسير ومهمل لهم ..... صبرت سنيييين ومشاكلي ومشاكل أهلي تلاحقني مثل ظلي ..... حتى أمي ماترحمني .... لو شكيت لها قليل نشرت اخباري ولايهمها أمري ابد ابد .... المهم ألبي كل طلباتها واعطيها فلوس واعملها كل اللي تبغاه حتى لو على حساب نفسي وأولادي .. تحتقرني وبعض اخواتي حتى قدام زوجة أخوي الكبير وتقف بصفوف بعض أحفادها على أولادي مع انهم مايحركوا ساكن في بيت امي ابدا وبيخافوا منها ... حاولت أكسب برها بكل طريق والله ماتتصوروا بكل طريق قلبها مقفل عني وعن بعض اخواتي واحنا اطيب أخواتنا واكثر التزام ونخاف الله مانستطيع ونعاملها بالحسنى .... بس تصرفاتها معنا مثل ماتقولوا مرة أبو تكره بنات زوجها ..... أثر فيني هذا الامر كثيييير كثييير كثييير . وماأبغى أذكرلكم مواقف تستنكروا أنها أم ......
خواتي أنا ملتزمة على قدر استطاعتي واحافظ على صلواتي وحجابي واخلاقي واوامر ربي ماأستطعت ومعروفه اخلاقنا الحمدلله وبعض اخواتي بهذا ا الشي.... لكن ماتوفقنا لا بأهل ولا حياة أسرية مستقره ولا أزواج يخافوا الله فينا وأولادنا نجاهد معهم جهاااااد كبير ومايثمر فيهم الا قلييييل قلييييل .......
بالامس بنتي بتقولي ليه ياماما دائما تصلين وتبكين وتدعين ربك وربي مايستجيب لك
ليه جدتي ماتحبك وانت باااااره فيها وماترفعي صوتك عليها زي اخوالي
ليه ماعندنا أهل وأخوال وأعمام طيبين ...... ليه ياماما بابا مايحبنا ويكرهنا .... ليه ياماما مانعيش مثل فلانه وفلانه ..... ليه الناس تفرح واحنا بمشاكلو مهمومه دائما وربي مايستجيب دعاك
ظلموك ناس كثير وانت صابرة ليه ربي مايكون معاك ......
هادي تسائلات بنتي وأنا فاهمتها ..... بكييييييت كثثثثير
من سنوات عمري وانا صغيره ألتزم بكل فرض وارحم المسكين والفقير وادعي لكل الناس
من سنوات عمري ادعي ربي ولا أيأس من رحمته سبحانه
من سنوات عمري أصبر صبر جبال ورجااال وعسى ولعل وحياتي من حفره لدحديره
من سنوات عمري أقرأ وأتعلم وابحث عن الحلول وأسوي اللي يخطر على بالكم واللي مايخطر وحياتي تزيد مشاكل
أصفي قلبي وانصدم بقلوب سوده حولي وحولي
أتعامل بحسنى تجي إسأه مالها أول من تالي
فاديه حياتي لبيتي وزوجي والكل يشهد لي ربة بيت ممتازة وأقوم من صباح الله خير مع أولادي ودراستهم ولاأذوق النوم بس أعمل مثل النحله في بيتي ولا في نتيجه الا قليله أفرح تنقلب بعد أيام
دخلت بجاراتي واعتبرتهم مثل اخواتي واكثر , عرفت الناس ماتبغى صاحب المشاكل وتبغى فرفشه وخرجات وونسات
كتمت مشاكلي مابغوني لاني مااخرج واروح مثلهم ولا في فايده من شكلي , وبعضهم سعيدات يخافوا أشوف سعادتهم واستقرارهم سحبوا أنفسهم مني , ورب فطر السموات والارض ماأعرف أحسد مخلوق على نعمه دائما أدعي لاخواني المسلمين وافرح لهم
جتني أفكار وتعبت وانهرت فكرت أشوف دكتورة نفسيه بس أشكيلها ..... مادخل الفكره في قلبي لانها بتسمعني بفلوس وانا محتاجه أخت صادقة مش بمقابل .
كبرت وبنتي على وشك زواج وانا منهااااره تعب وعذااااب كيف أجمع نفسي وأعيش مثل الناس ...... المصائب تتحذف علينا كل وقت .....قريب روحت لشيخ شكيت في نفسي ماحسيت بشي .....
أصلي أدعي دعاء الله وحده أعلم به دموعي علمت شقوق بوجهي , الحمدلله أتصدق كثير أتوسل لله بأفضل الأعمال أجتهد بالاحسان ماأستطعت أستغفر من سنوات عمري وانا أبكي لربي وخالقي .... وأشكيله وبعد يوم أشوف مشكله , خفت على عقلي ... عرفت أنه أبتلاء بس أولادي كبروا وصاااروا يقااارنوا ويذبحوني لما يقولي ابني الكبير وبنتي الكبيره ..... شوفي العالم مابتصلي مثلك بس فروضها ومابتتغطى مثلك , ويسمعوا أغاني عندهم دشوش ويسافروا وينبسطوا ووووووووو .... وأنت ماربي يوفقك ....
أقولهم يمكن بلاء الله يجعلنا من الصابرين ....... ويمكن ربي بيعجل نعمتهم ويأخر حسابهم ...
بترد علي بنتي وليه ملتزمات غيرك مابيعيشوا مثلك ... شوفي فلانه وفلانه حياتهم مستقره وهما ملتزمين ليه ماحياتك وحياتنا مثلهم !
صاااار ابني الكبير يبعد شوي شوي عن الدين ...... عرفت أنه يتخيل بيعيش سعيد لو بعد ....
مرره من المرات أبوه خاصمه وتخانق معاه ..... ايش بتتخيلوا قال لي وهو يبكي ...
قال : لما قريت سورة البقرة وسمعت كلامك صاااارت في البيت مشكله .....
كان مايحافظ على صلواته .... كنت أقوله وانصح فيه واخواته الصلاة الصلاة
لما حافظ عليها ... بعد 3 أيام صااارت له مشكله في المدرسة كبيره هو انظلم فيها ...
قام يقول : لما حافظت شوفي ايش حصل ..... زملائي يعملوا ويفعلوا وحياتهم حلوه .....
في داخلي أنهااار ..... لكن أمام أولادي أثبت وأرد وأرد وأنافح عن الدين وأقول هذا ابتلاء , والافكار هاذي من الشيطان ووسوسته الله يلعنه ......
المشاكل تتحدف علينا من كل مكان ...... ألان أبصل 50 سنه ....... من فتحت عيوني على الدنيا وانا ماعرفت حياة حلوه أو مستقرة . أول شقيت بنفسي والآن باولادي وزوجي ..........
أريد منكم كلمه طيبه بس توااااسيني تصبرني مع أني أعرف كل قواميس التصبير وأنا أكثر وحده من أهلي وأهل زوجي أصبرهم وأقف معهم بالمره قبل الحلوه ......
من مثلي ياخواتي حياتها ماتعدلت معاها ولا تسخرت لها
من مثلي ياخواتي صفعتها الدنيااا سنوات ومازالت .......
أطلب منكم طلب وااااااحد ,,,,,,,
من قلب صاااااادق مخلص في دعائه ........
أدعولي ربي يوفقني ويصلح ديني ودنياي وآخرتي وابنائي وربي مايبيتليهم ويبتلينا في ديننا ولا يجعل مصابنا فيه
ادعوا لاختكم بالفرج بالنصر باليسر بعد سنواااات العسر
ادعوا لاختكم أن يستجيب الله دعواتها ودعواتكم لي ويرحمني برحمته ويهدي ويحفظ ابنائي
ادعولي بظهر الغيب لعل منكم مستجاااااب الدعوة
أمشي على الارض وانا كاني جثه ميته من شدة بلائاتي , ميته ولا كاني حيه أتجرع مررررارررت موت وقهر وذل وظلم سنوات .... وكل من ظلمنا وذلنا يعيش بأفضل حياة واستقرار يمكن ربي راضي عنهم وانا مو راضي عني ....
الله يعفو عني ويغفر لي ويتوب علي ..
أرجوكم خواتي أدعوا لي
لايمر عليكم الموضوع مجرد موضوع واسمي مجرد اسم وكلامي مجرد كلام
أنا جسد بينكم أتعذب وانظلمت كثيييرا وتشبعت والظلم ماشبع مني ......
أدعولي أفرح وابنائي يفرحون ونعيش حياة مستقرة لا نكد ولاخوف ولاهلع فيها
أرفعوا الموضوع لو بحرف وااااحد ربي يرفع أعمالكم الطيبه ودرجاتكم ويصلح بالكم
ادعولي بقلب حاضر بظهر الغيب في سجودكم بقيام ليل .... إذا ماتعرفوني ربي يعرفني ... قولوا يارب أمتك وهو أعلم بي سبحانه ....
كتبت الموضوع لعله سبب أتسبب به وباب من فضل الله أطرقه يكون سببب بايجابة دعوه وانقاذ نفس ونفوس مسلمه من براثن الحياة وعذااااابات السنين
ادعولي وادعوا لابنائي وربي قادر على كل شئ سبحانه وهو على كل شي قدير
ربي أجب دعوتنا سبحانك كي أقر عينا ولا أحزن وأعلم أنك على كل شي قدير
ربي أحفظ ابنائي وابناء المسلمين
وخص منهم من دعى لنا يارب العالمين
أستغفر الله العظيم من كل ذنب عظيم
210
11K
يلزم عليك تسجيل الدخول أولًا لكتابة تعليق.
I Need u
•
يعلم الله اني ابكي مع كل حرف تكتبينه الشكوى لله مااقدر انفعك بشيىء غير الدعااااء
الفرج قريب ان شاء الله لاتيأسين
وهذا ابتلاء من الله وان شاء الله انتي تصبرين ولك اجر عظيم على صبرك
دعواتي لك بالفرج وتيسير اموررررررك يااارب
وهذا ابتلاء من الله وان شاء الله انتي تصبرين ولك اجر عظيم على صبرك
دعواتي لك بالفرج وتيسير اموررررررك يااارب
الصفحة الأخيرة