ادخلوا وحكمو علي أنا وامي واخواني

بنات ما ادري ايش اقولكم ولا كيف أبدأ مشكلتي لانها بدأت وأنتهت يعني العريس طار
بس أنا احس بتأنيب الضمير واحيانا بأني ضيعت فرصه وأحيانا احسن اني اهلي السبب
يعني بكل اختصار ملخبطه مين الصح ومين الغلطان

بس امانه اللي تقرأ مشكلتي تنصحني وتدعيلي أن الله ييسر أموري ويفرج كربتي وضيقتي



أنا داخله بالثلاثين بعد كم شهر
تقدم لي واحد عمره 45 سنه متزوج وعنده عيال
من ناحيتي انا وافقت علشان انقذ نفسي من الوحده واني اصحى بكره علي عذاب الاخوان ورحمة زوجاتهم وشماتت الناس

بس امي ساعه موافقه وساعه رافضه اذا قعدت معاها واشرحلها واقوها اني انا الحين مو صغيره والشباب يتمنو وحده تحت سن 25 واحاول اشرحلها ان اخواني الشباب الله يحفظهم ويطول بعماركم انتوا اذا بكره صار شئ بعيد الشر عنكم راح اكون خادمه لهم يتأمروا ويتحكموا علي كيفهم فيني ومثل ما يقول المثل ظل راجل ولا ظل حيطه

واخواني بعد يعرفون بالموضوع بس هم بعد رافضين بسبب انه متزوج وبالاصل هم مش هامهم ولا حاسين بمشكلتي

بس الوالد واخوي الكبير ما يدروا عن الموضوع هذا

المهم يا بنات اللي سويته من ناحيتي اني حاولت افتح قلبي لأمي واقولها ليش انا موافقه علي الرجال هذا وتخيلوا اني ما استحيت اخذت اخواني اللي هم اصغر مني طبعا بس شباب وما هم متزوجين وكلمتهم عن كل شئ يعني قلتلهم اني كبيره مو صغيره واني فرصة الزواج بنسبه لي تقل كثير كل يوم وانه وانه ......... الخ
رغم اني استحي كثير بس طلعت كل اللي بقلبي غيض من فيض

وبالاخير قالوا لي انسيه ولا تفكيري فيه وهذا ما يصلح لك زوج تخيلوا حتي رفضوا يكلموه بالتلفون او يسألوا عنه علشان بس هو متزوج ....وطبعا الرجال وصل له الكلام وراح في سبيل حاله يعني بالعربي طار طار طار

قولوا لي الحين منو الغلطان فينا انا أو اهلي تصدقون اني ابكي بالليل كل يوم اقول انه اهلي انانيين كل واحد يحب نفسه ومصلحته وما يشوف مصلحة غيره وانه الفرصه ما تتكرر خاصه بزمن شح المعاريس

يا بنات انا مش متحسفه علي الشخص هذا لأنه ما كانت فرصه ذهبيه ولا هو بالصفات اللي احلم فيها بس ايش اسوي بعد ما لعب الشيب برأسي وطلع اللي قاهرني تصرف امي واخواني وسلبيتهم بالموضوع


علي فكره انا اخاف اخبر ابوي واخوي الكبير لانه امي رافضه تكلمه تقول انها خايفه من ان ابوى يسألها عن رايها ويقولها دام انكم موافقين تحملوا المسؤليه انتم ونتائج الزواج هذا ابوي شخص عصبي ومش متفهم للأمور هذي ابدا

واخوي الكبير اخاف واستحي اناقشه بالمسأل هذي حتي الحين احس بنظرة الشفقه من اخواني اللي هم اصغر مني بسبب اني شرحتلهم ظروفي

يعني كانوا يبوني انا بنفسي اللي اكلم ابوي واخوي الكبير