ادخلوا وراح تعرفون

أدخل في السالفة على طول
زوجي قصر معي في شي من واجباته وكان عذره التعب وبصراحة ما أشوفه عذر بالنسبة للي صار
المهم إني كنت وقتها أقدر أدافع بالكلام خصوصا إنه من حقي والموقف راح أكسبه لكن قلت لنفسي يامرة تعوذي من إبليس وفكري زين حتى تقدرين تأخذين حقك بدون مشاكل
فأيش سويت ؟
زوجي في العادة يكوي ملابسه عند الكواي وهذاك اليوم كان ناسي فاستغليت الفرصة وشغلت حالة الطواري (كيد النساء طبعا )
ورحت كويت ملابسه وجهزتها له وأخذت منديل وكتبت عليه بالخط العريض ( مهما بلغ مني التعب فلن أقصر في واجباتي تجاهك ) وحطيتها في جيبه

طبعا كبرياء الرجل ماراح يخليه يعتذر على طول وأنا في نفس الوقت ما ا استعجلت بالنتيجة لكن والحمد لله ظهرت النتيجة بصورة طيبة ومرضية


طيب ألحين عارفة بتقولون خير يا طير عادي تصير في أحسن العائلات
الزبدة يابنات إنها لما صارت المشكلة
أول شي سويته تعوذت من أبليس وكررت اللهم اجعل تدبيره تدميره
وثاني شي تركت العصبية اللي طلقتها من فترة لكنها ناسبة لي ماهي راضية إنا نكمل الإجراءات
وثالث شي إنه حتى لو كان الحق معي ضروري أسكت حتى يهدأ زوجي
رابع شي تذكرت المثل اللي يقول ( خير الكلام ماقل ودل ) هذا المثل اللي يحبونه أغلب الرجال ونلاقيه شبه متلاشي عند النساء واختصرت كلامي في جملة بسيطة
خامس شي قابلت الإساءة بالحسنه بس بطريقة غير مباشرة عشان مايفكر زوجي إني راح أتخلى عن حقوقي بما إني أحسنت إليه في وقت كان من يتوقع إني راح أزعل
سادس شي أقوله لكم استغلوا الفرص لصالح سعادتكم أنتم وأزواجكم وربنا يوفقكم

معليش أنا رجعت وعدلت الموضوع لسببين
1- أسألكم بالله إن كل وحدة فيكم تقول ماشاء الله تبارك الله من قلبها
2- إن قصدي من الكتابة إنكم تستفيدون لا أقل ولا أكثروالله يعلم مو عشان أقولكم شوفوني

والله من وراء القصد