السلام عليكم ورحمة الله وبركاته
اخواتي اليوم خفت على ولدي خوف وجاني حزن وهم مايعلمه الا الله
اليوم الساعه 5فجرا كنت بالمطبخ احضر فطور لبنتي اللي بالابتدائي لاني اجهزها بدري عشان الباص يجي 6الصبح
المهم ولدي كان نايم وانا حطيته على سريري وهو طبعا مرتفع والارضيه سيراميك واسمع ذيك الطيحه وانافي المطبخ والله من قوتها اني سمعتها من المطبخ وهو بعيد عن غرفة النوم
واركض ونا قلبي بيطيح واشيله وكان يصرخ ياعمري وعلى طول ثلج وتورم راسه من ورى صار زي فنجال القهوه
واخاف وادعي الله واسمي عليه واقرى عليه وهدى شوي
وانا خايفه انه صارله شي والله اني البس بنتي وانا ماني مركزه وبس اطالع فيه
والحمد لله ما خليته ينام مدة 3ساعات والاحظه والاحظ عيونه وحركته والحمدلله سليم
وادخل النت من الفجعه واقرى عن اصابات الراس وكلها تخوف لكن من ظمن اللي قريته
انك تخافين وتودينه على طول اذا لاحظتي عليه احد العلامات التاليه
الاغماء
القئ
عدم الاتزان
زغللة العين
وطبعا النزف
والحمدلله كلها ما صترت لولدي لكن اللي خوفني الورمه
رحت حطيت عليها فكس والله يا خواتي الى الان مفجوعه وقاعده احاسب نفسي ليش حطيته عالسرير لكن قدر الله وما شاء فعل
انا قلت لكم قصتي علشان تنتبهون لعيالكم زين من الطيحات وخصوصا على الراس
وعلشان تدعون لولدي ان الطيحه ما تاثر عليه
يارب احفظه لي والله لا يوريكم مكروه
أحلى شهريه @ahl_shhryh
كبيرة محررات
يلزم عليك تسجيل الدخول أولًا لكتابة تعليق.
الحمد لله على سلامته
البزران لا تحطينهم على سرير الكبار اكيد بيتدربا ويطيح حطيه بسريرة افضل الل يله حواجز اوحطي حوله مخدات وبطانيه عشان مايطيح
البزران لا تحطينهم على سرير الكبار اكيد بيتدربا ويطيح حطيه بسريرة افضل الل يله حواجز اوحطي حوله مخدات وبطانيه عشان مايطيح
الصفحة الأخيرة
انا بنتي طاحت على السيراميك يدها واقفه وتصايح خفت حتى مانممت
الله يحفظ عيالنا