ادخلوا وشوفواا 😩

بسم الله نبداء


السلام عليكم


يبنات انا مدري وش فيني لاجاء الليل اعوذ بالله كن بصدري مثل اللقمه الواقفه من غير احس ع الجهه اليسار فوق القلب بشوي احس فيه شي ينششششد لثواني بعدها يرجع طبيعي انا مادري هل هذا فيني صحيح ولا اني موسوسه لان الوسواس عندي فلل


والله بس معصبه من يجي الليل عيالي انومهم بتكفيخ والله ضميري يأنبني بس من تجيني هالحاله خلاص مالي خلق عيالي ولا زوجي اشكي لزوجي يقولي مابك شي انتي موسوسه طيب اناا هالوسواس ذبحني


والله تعبت تحسين انك تعبانه ومهمومه من لاشي
مدري كيف اوصفه وربي مرات احس جسمي يصير حار ويدي اليسار احسها حاره احس بحراره فيهاا
مدري وشو ذاا وعظامي تعورني انا معي نقص فيتامين دال وادري انه من اعراضه وجع العظام بس هالوسواس ذبحني معد احس بطعم الحياه يضيق صدري بسرعه احس الدنيا مهي مثل قبل احس الحين الواحد بس قاعد ويده ع قلبي هل انتوا فعلاا مثلي والا اناا يتراوالي
ومرات اسوي فلم بمخي واقعد ابكي ويضيق صدري مدري شبلايه ماني كذا قبل صايره سوداويه مافي تفاءل
والله هالاعراض جتني بغمضه عين من غير سابق انذار مدري من وشو ومااحب المستشفيات رحت اول ماجتني هالحاله وقالوا الحمد لله سليم اللي فيك ارهاق من الحمل لكن لي سنه واكثر والاعراض لسى معي ياناس انا ماني طبيعيه حتى النوم معد استمتع فيه انجبر انام اكره الليل


واحس تزود علي هالاعراض اذا سولفت فيهاا محب اجيب طاريهاا واصلن لو يقعد عندي احد ويقولي يالله اوصفي حالتك مدري وش اقول احس كلشي يروح احسني طبيعيه وفجاءه ارجع زي اول
امانه اللي تعرف احد او مرت بمثل حالتي تقولي هذا وشو ومن ايش وهل هو وسواس ولا فيني شي 😩😩😩