ادخلوا وشوفوا تصرف اهلي الغريب والمستفز

السلام عليكم ورحمة الله وبركاته
ابغاكم تحكمون بالحق وبكل امانة
انا بعلمكم بالسالفة وربي مقهورة من تصرف اهلي ماادري انا بنتهم والا عدوتهم
انا طبعا متزوجة من شهرين ونزل لي مبلغ من بعد ماتزوجت من التأمينات وقدره لان ابوي الله يرحمه بالتأمين
ودقوا علي اهلي قالوا التأمين ارسل لنا رسالة أن راح ينزل لك مبلغ وقدره كذا كذا
المهم دق علي اخويالكبير قال يابنت اسمعي تسمحي لنا ناخذ من فلوسك مبلغ نفرش به بيت اهلي إلا هو فيه امي واختي واخوي الصغير وانا رفضت بحكم أن المبلغ اللي طلبه كبير وقلت خذوا بس حددت لهم مبلغ أقل من المبلغ اللي طلبوه
طبعا انا المبلغ اللي بينزل لي بينزل على حساب امي لان البطاقة باسم امي
والصدمة والطامة الكبرى والكارثة اللي لين الحين ماصدقت ها أن المبلغ نزل من زمان واهلي خبوا علي وفرشوا البيت بالمبلغ اللي رفضت ادفعه وكل اهل البيت يدرون ان المبلغ نزل وانا مااحد علمني إلا بعد شهر وكلهم ماعلموني عشان مااسوي مشاكل
والمشكلة أن أمي بعد ماعرفت بالسالفة قالت لي نزل لك المبلغ الفلاني وهو خطأ اكتشفت بعدين ان نزل لي اكثر وخبوا علي الموضوع عشان ماازعل
وانا وصيت اهلي أكثر من مرة قلت امانة إذا نزل المبلغ علموني وانا اعطيكم المبلغ اللي وعدتكم فيه واللي اتفقت معكم عليه فالاخير حصل اللي حصل واهلي استغفلوني لاني ساكنة بعيده عنهم ونزلت فلوسي وأخذوا المبلغ اللي انا رفضت اعطيهم
والى الان أطالب امي ترجع لي المبلغ اللي أخذوه مني ورفضت مع اني عدت وزدت بنفس السالفة وان لأحد يأخذ من فلوسي ولكن انصدمت من تصرف اهلي الغريب
أسألكم بالله العلي العظيم ان تحكمون بالعدل
ايش رايكم بتصرف اهلي اللي يستفز؟؟؟
معقولة فيه احد يسوي ببنته هذا الفعل الشنيع والاستغفال؟؟
والفلوس نزلت لي وان قلت لأهلي باعطيكم المبلغ الفلاني وطنشوا كلامي هل من حقي ازعل وقول حسبي الله ونعم الوكيل؟؟؟
وامي واخوي للحين زعلانين علي عشان قلت لهم ليش تاخذون من فلوسي تخيلوا؟؟؟؟؟؟؟؟؟؟