انا بحب الجلاش جدا وبتفنن فى عمايلة هاقول طريقتى ازاى ويارب تعجبكوا ...
وهو وجبة خفيفة ممكن تنفع للعشاء واللى بيحب الفطير المحشى هيلاقية زيه بالضبط
المكونات:
علبة جلاش _ كوب لبن
عندى طرق مختلفة للحشو
الحشو
1_ سوسيز مع الخضار
سوسيز مقطع
فلفل رومى مقطع
طماطم ناشفة مقطعة
جبنة موتزاريلا
زيتون اسود مقطع
************************
2_ بسطرمة مع الخضار
بسطرمة
فلفل رومى مقطع
طماطم ناشفة مقطعة
رشة فلفل اسود فوق الحشو
************************
3_انواع مختلفة من الجبن
جبنة رومى قديمة مبشورة
جبنة موتزريلا
جبنة شيدر مبشورة
فلفل رومى مقطع
************************
4_لحمة مفرومة مع الجبن
لحمة مفرومة مستوية طبعا
القليل من الجبنة الرومى
القليل من الجبنة الشيدر
************************
5_لحمة مفرومة مع الخضار
فلفل رومى مقطع
طماطم ناشفة مقطعه
رشة فلفل اسود فوق الحشو
************************
الطريقة :
نحضر لفة الجلاش طبعا تكون طالعة من الفريزر وسايحة ... نفردها طبعا هى عبارة عن مجموعة من طبقات الجلاش فوق بعض نحافظ عليهم ونخليهم فوق بعض .
نحضر صنية مستديرة ونضعها فوق الجلاش ونقطع الجلاش على شكل الصنية عشان لما نرص الجلاش فى الصنية يكون نفس المقاس.
نعد ورقة الجلاش كام ورقة عشان نقسمهم انا عندى بيبقى 18 ورقة يعنى 6 تحت ثم نضع الحشو ثم 6 فوق وانا مش بحب ارمى حاجة فالزوايد اللى طلعت من الصنية بعد مقطعتها دائرة بضعها جزء قبل الحشو وجزء بعد الحشو
ندهن الصنية بالزيت وبعدين نرص ورقات الجلاش ورقة ورقة عشان يبقى مفتح مش لازق فى بعضة كل 4 ورقات ادهن زيت بالفرشة .
لما اوصل لمنتصف الصنية اضع الزوائد وافردهم ثم اضع اى نوع من الحشو اضع مثلا السوسيز ثم الفلفل ثم الطماطم ثم الجبنة الموتزريلا ثم اضع باقى الزوائد ثم ارص باقى الجلاش بنفس الطريقة.
لما اخلص الرص اقطع الجلاش مثل البيتزا او مربعات او معينات حسب الرغبة .
احضر كوب اللبن وابدا اسقى الجلاش بالمعلقة واوزع على الصنية لحد مايخلص اللبن.
اتركة نصف ساعة لحد مايتشرب اللبن وادخلة الفرن.
طبعا يكون الفرن سخن درجة حرارة 180 اسوية من تحت لحد ماجوانب الصنية تحمر ثو اولع الشواية واحمرة من فوق.
بعض الملاحظات
#لما يستوى من تحت ممكن تلاقى الجلاش انتفخ ماتخفيش هاتى سكينة وعيدى على التقطيع السابق وهو هيبط..
#مش لازم تعملى فى صنية مدورة ممكن مربعة بس ساعتها مش هايبقى فى زوايد عشان هتتنى الاطراف كل واحدة عكس التانية.
#لو مش بتحبى الجلاش سميك ممكن ترفعية تقللى عدد وحدات الجلاش ممكن تقسميهم على صنيتين وبالتالى هتقليلى مقدار اللبن عشان مايعجنش
*****************
اخيرا خلصت:icon28:
معلش طولت عليكم فى شرحى ياريت تجربوة وتقولولى عجبكم ولا لأ ...
:3_13_12:
:7_5_131: :7_5_127:
louly2005 @louly2005
عضوة
يلزم عليك تسجيل الدخول أولًا لكتابة تعليق.
الحلا والغلا
•
رووووووووعه تسلم ايدينك
يعطيك الف عافيه :)يعطيك الف عافيه :)
تسلم ايدك باين من الطريقة انها اتجنن مشكووووورة:26:
الصفحة الأخيرة