أنا أقول لهم
وأكرر عليهم دايم
لاإلاه الا الله محمد رسول الله
"
وأقرأ الفاتحه والمعوذات أحسن
أحسهم ينامون مرتاحين
لكن لايمنع من أني أقول سعات

تيري ري ري رته
متى يجي البابا
يجي الساعه سته
راكب ولا ماشي
راكب بسكلته
حمره ولا بيضه بيضه زي الأشطه
"
"
مامي مامي يامامي
أديني جبنه وزيتون
آبل ماتنامين
"
"
وفيه وحده كلامها مره حلو
تقولها جدتي
باخذها منها وأقول لك
وإذا تذكرت غريرهم بكتبهم هنا بعدين

طيب بسم الله............. والله يعينكم على التحف ...بس هاه ....حقوق النشر محفوظه ...

بنتي كنت اغنيلها

عشوقه بنت ابوها
يا سبعه اخطبوها
واحد يعد فلوسه
والثاني يحاكي ابوها
يوم سمعوا قول ابوها
انحاشوا ما ادركوها


عشوقه الحبابه
وابوها موسع بابه
للطرقي والخطابه


وولدي قبل 5 سنين كنت اقوله
متعب النوفلي والبيض عشقنه
رقن راس الجبل يبن يشوفنه

متعب ياطعم التفاح وريح المسك الا فاح
يا ريحك ريحة الخنه ومن ابغضك للونه

ونجي عاد



لابو خشم نواااااااااااااااااااااف

اذا انا راضيه عليه

نفوفه يبي ينام
ونعطيه فرخ الحمام
نكذب نكذب يا حمام
نبي نفوفه ينام

واذا انا طفشانه منه وموذيني

يابو خشم عيب عيب
طلعت في راس امك شيب ههههههههههههههههه


طبعا هذا غير الاناشيد الانجليزيه
3 ليتل منكيز
اي لوف يو
و اف يو هابي اند يو نو ايت
و وش بعد
اولد ماكدونالد
و كثيررررررررررررررر

وطبعا اللي االفها وهذي ما تنحفظ لانها تجي في الحظه وتروح ههههههههههههههههه




ايه بس ذكرت هالحين نواف ابو شهرين لسه ما ربرب يعني نحيف فاغنيله
يا عصاقل يا مصاقل حبكم بالقلب صاقل .....

هذي لها قصه (( والله ام الشباب ذي مطوله )) هههههههههههههه
المهم
تجيكم السالفه
هذا الله يطول اعماركم كان فيه واحد ماخذ حرمتين وحده سمينه ووحده نحيفه ....
اذا صارت ليله النحيفه قال
يا عصاقل يا مصاقل
حبكم بالقلب صاقل
خبيني ووزيني عن غباغب لا تجيني

واذا ليله السمينه قال
يا السمينه يالمتينه
يا دكاكين المدينه
خبيني ووزيني عن عصاقل لا تجيني

ولاعب على حريمه ههههههههههههههههههه

يا كثر هذري ...... السموحه .....

بستان التوت
اللي من التأليف تجي حلوة

دانه
ضحكتيني والله نفس المعاناة

ام مشاري
ننتظر اللي كلامها حلو
انشودة جدتك

اووووف
اسلوبك رووووووعه
بس اسمحيلنا بنلطش اناشيدك
وننتظر المزيد منك

يا اطفال ياحلوين اشربوا الحليب
للصحة والقوة اسألوا الطبيب
اشرب على مهلك
لازم تشكر ربك
--------------------------------

نام نام ياصغير
نام نوم العصافير
------------------------------

صدقون ما انشد لعيالي

خلاص بحفظ عندكم واليوم ابدأ معاهم